ଜରୁରୀ ଅବତରଣ କଲା ମୁଖ୍ୟମନ୍ତ୍ରୀଙ୍କ ହେଲିକପ୍ଟର

ଖରାପ ପାଗ ସାଜିଲା ଅଡୁଆ । ଜରୁରୀ ଅବତରଣ କଲା ମୁଖ୍ୟମନ୍ତ୍ରୀଙ୍କ ବିମାନ । ଲାଞ୍ଜିଗଡ ପରିବର୍ତ୍ତେ ଜୟପୁର ଏୟାରଷ୍ଟ୍ରିପରେ ଓହ୍ଲାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଜୟପୁର: ଜରୁରୀ ଅବତରଣ କଲା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିମାନ । ଲାଞ୍ଜିଗଡ ପରିବର୍ତ୍ତେ ଜୟପୁରରେ ଏହାକୁ ଅବତରଣ କରାଯାଇଛି । ଖରାପ ପାଗ ଯୋଗୁଁ ବିମାନଙ୍କୁ ଜରୁରୀ ଅବତରଣ କରାଯାଇଥିବା ଜଣାପଡିଛି ।

ପୂର୍ବ ନିର୍ଦ୍ଧାରିତ ସୂଚି ଅନୁସାରେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲାଞ୍ଜିଗଡରୁ ଓହ୍ଲାଇ ହେଲିକପ୍ଟର ଯୋଗେ ରାୟଗଡା ଯାଇଥାନ୍ତେ । ହେଲେ ଖରାପ ପାଗ ଯୋଗୁଁ ଜୟପୁର ଏୟାରଷ୍ଟ୍ରିପରେ ଏହାକୁ ଜରୁରୀ ଅବତରଣ କରିବାକୁ ବାଧ୍ୟ ହୋଇଥିଲେ ପାଇଲଟ । ଦୀର୍ଘ 1ଘଣ୍ଟା ଧରି ମୁଖ୍ୟମନ୍ତ୍ରୀ ଜୟପୁରରେ ଅଟକି ରହିଥିଲେ । ପରେ ଲାଞ୍ଜିଗଡରୁ ହେଲିକପ୍ଟର ଆସିବା ପରେ ସେ ରାୟଗଡା ଅଭିମୁଖେ ବାହାରିଛନ୍ତି ।

କୋରାପୁଟରୁ ସି.ଏଚ. ଶାନ୍ତାକାର, ଇଟିଭି ଭାରତ