କୋରାପୁଟ: ଅଭିନବ ଉପାୟରେ ସୁନା ଗହଣା ଦୋକାନରୁ ଚୋରି ଅଭିଯୋଗ । କୋରାପୁଟ ସହରର ମୁଖ୍ୟ ବଜାରରେ ଥିବା ଏକ ପ୍ରତିଷ୍ଠିତ ସୁନା ଗହଣା ଦୋକାନରୁ ଅଭିନବ ଉପାୟରେ ଗହଣା ଚୋରି ହୋଇଛି । ଲକ୍ଷାଧିକ ଟଙ୍କାର ସୁନା ଚେନ ଚୋରି କଲାବେଳର ଦୃଶ୍ୟ କଏଦ ହୋଇଛି ସିସିଟିଭିରେ ।
ଗହଣା ଦୋକାନରୁ ଅଭିନବ ଚୋରି
ଚୋରି କରିଥିବା ଏହି ତିନି ଜଣିଆ ଦଳରେ 2 ଜଣ ମହିଳା ଓ ଜଣେ ପୁରୁଷ ସାମିଲ ଥିବା ଦୋକାନର ସିସିଟିଭି ଫୁଟେଜରେ ଦେଖାଯାଇଛି । ତିନି ଜଣଙ୍କ ମଧ୍ୟରୁ ପୁରୁଷ ଲୋକଟି ଗହଣା ଦୋକାନିଙ୍କୁ କଥାବାର୍ତାରେ ବାନ୍ଧି ରଖିଥିବା ବେଳେ ଦଳର ଅନ୍ୟ ଦୁଇଜଣ ମହିଳା ଗୋଟାଏ ପରେ ଗୋଟାଏ ସୁନା ଗହଣା ବେକରେ ଲଗାଇ ପରୀକ୍ଷା କରିବାରେ ବ୍ୟସ୍ତ ଥିବାର ଅଭିନୟ କରୁଛନ୍ତି।