କୋରାପୁଟ: ମୃତ୍ତିକା ସଂରକ୍ଷଣ ପାଇଁ କୋରାପୁଟ ଜିଲ୍ଲାର ଏକତା ସଂଗଠନ ଓ ଆଇକାଡା ସଂସ୍ଥାର ଅଭିନବ ପ୍ରୟାସ । ପାହାଡିଆ ତଥା ନଷ୍ଟ ହେଇଯାଉଥିବା ଜମିରେ ସବୁଜ ସୁନ୍ଦର କରିବାକୁ ଆରମ୍ଭ କରିଛନ୍ତି କଣ୍ଟା ବିହୀନ ସପ୍ତଫେଣୀ ଚାଷ । ଫଳରେ ଚାଷୀ ଉପକୃତ ହେବା ସହ ଧୋଇ ହୋଇଯାଉଥିବା ମୃତ୍ତିକାକୁ ସଂରକ୍ଷିତ କରାଯାଇପାରୁଛି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ଏହି କଣ୍ଟା ବିହୀନ ସପ୍ତଫେଣୀ ଗଛ, ପରିବେଶରେ ସନ୍ତୁଳନ ସୃଷ୍ଟି କରିବା ସହ ଏକ ଉତ୍ତମ ଗୋଖାଦ୍ୟ ଭାବେ ବ୍ୟବହାର ହୋଇପାରିବ । ଏପରିକି ଚାରା ଲଗାଇବାର ଦୁଇ ତିନି ବର୍ଷ ମଧ୍ୟରେ ଗଛଟି ଅମଳକ୍ଷମ ହେବା ସହ ୪୦ ରୁ ୬୦ ବର୍ଷ ପର୍ଯ୍ୟନ୍ତ ଲାଭ ପହଞ୍ଚାଇପାରିବ । ଭାରତବର୍ଷରେ ବିଭିନ୍ନ ସ୍ଥାନରେ ଏହି ଚାଷ ସୂଚାରୁ ରୂପେ ଚାଲିଥିବା ବେଳେ ଓଡ଼ିଶାର କୋରାପୁଟ ଜିଲ୍ଲାରେ ଏହି ସଂସ୍ଥା ଓ ରାଜ୍ୟ ସରକାରଙ୍କ ତରଫରୁ ପରୀକ୍ଷା ମୂଳକ ଭାବେ ଚାଷ କରିବା ପାଇଁ ଚୟନ କରାଯାଇଛି ।