କୋରାପୁଟ: ଆଜି ବି ଅବହେଳିତ ଦୁର୍ଗମ ଅଞ୍ଚଳ ପିଲାଙ୍କ ଭବିଷ୍ୟତ । ନାହିଁ ନାହିଁରେ ଉଜ୍ଜଳ ସ୍ବପ୍ନ ଦେଖୁଛନ୍ତି ଆଦିବାସୀ ଅଧ୍ୟୁଷିତ କୋରାପୁଟ ଜିଲ୍ଲାର ପିଲାମାନେ। ସର୍ବଦା ମୌଳିକ ସୁବିଧାରୁ ବଞ୍ଚିତ ହୋଇ ଆସୁଥିଲେ ମଧ୍ୟ କୌଣସି ପ୍ରଶାସନିକ ଅଧିକାରୀଙ୍କ ନଜର ଏମାନଙ୍କ ଉପରେ ପଡୁନାହିଁ ।
କୋରାପୁଟ ଜିଲ୍ଲା ସେମିଲିଗୁଡା ବ୍ଲକର ହାଟଗୁଡା ହାଇସ୍କୁଲ କଥା । 1975 ମସିହାରେ ସ୍କୁଲଟି ପ୍ରତିଷ୍ଠା ହୋଇଥିଲା । ଆଜି ପର୍ଯ୍ୟନ୍ତ ଏହି ସ୍କୁଲର ଛାତ୍ରଛାତ୍ରୀ ଏବଂ ଶିକ୍ଷକ ସମସ୍ତେ ପାହାଡ ଚଢି ସ୍କୁଲକୁ ଆସିଥାନ୍ତି । କାରଣ ପାହାଡ ଶିଖରରେ ସରକାର ସ୍କୁଲ ଟିଏ ଖୋଲିଦେଲେ। ହେଲେ ବିଦ୍ୟାଳୟକୁ ଯିବାକୁ ରାସ୍ତା ଟିଏ କରିବାକୁ ଭୁଲି ଗଲେ। ବିଦ୍ୟୁତ ଯୋଗାଣ ନଥିବାରୁ କୌଣସି ଶ୍ରେଣୀରେ ନାହିଁ ଫଙ୍ଖା , ନା ଅଛି ପାଣିର ବ୍ୟବସ୍ଥା। ପିଲାଙ୍କ ସୁରକ୍ଷା ପାଇଁ ଆଜି ପର୍ଯ୍ୟନ୍ତ ନିର୍ମାଣ ହୋଇନି ପାଚେରୀ । ସେପଟେ ବିଦ୍ୟୁତ ନଥିବାରୁ ପିଲାମାନେ କମ୍ପ୍ୟୁଟର ଓ ଲ୍ୟାବ ଯନ୍ତ୍ରପାତି ଶିକ୍ଷାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି ।