କୋରାପୁଟ: ଦାମନଯୋଡିରେ ନାଲକୋର ପ୍ରତିଷ୍ଠା ହେବା ଫଳରେ ନିଜର ଚାଷଜମି ଓ ଘର ହରାଇ ବିସ୍ଥାପିତ ହୋଇଥିବା ପରିବାରଙ୍କ ଚାକିରି ସଂରକ୍ଷଣ ଦାବିରେ ଗତ ଏପ୍ରିଲ 17ରେ ନାଲକୋ ଖଣିରେ ରାସ୍ତା ଅବରୋଧ କରାଯାଇଥିଲା ଯାହା ଫଳରେ କି ଦୀର୍ଘ ୪ଦିନ ଖଣି ଖନନ ବନ୍ଦ କାର୍ଯ୍ୟ ବନ୍ଦ ରହିଥିଲା । ପରବର୍ତ୍ତୀ ସମୟରେ ସେହି ମାସ 21ରେ ଜିଲ୍ଲା ପ୍ରଶାସନର ଅଧିକାରୀ ଓ ଜିଲ୍ଲାର ବିଭିନ୍ନ ବରିଷ୍ଠ ରାଜନୈତିକ ନେତୃବୃନ୍ଦଙ୍କ ଉପସ୍ଥିତି ରେ ବିସ୍ଥାପିତ ପରିବାର ଓ ନାଲକୋ ପ୍ରଶାସନ ମଧ୍ୟରେ ଆଲୋଚନା କରାଯାଇଥିଲା ।
ନାଲକୋ ବିସ୍ଥାପିତଙ୍କ ସମସ୍ୟାକୁ ନେଇ କର୍ତ୍ତୁପକ୍ଷଙ୍କ ସହ ଆଲୋଚନା କରିବେ ଭୃଗୁ ବକ୍ସିପାତ୍ର
ବିସ୍ଥାପିତ ମାନଙ୍କର ୧୪ ଗୋଟି ଦାବି ମଧ୍ୟରୁ ବିଧବା ଚାକିରି ଯେତିକି ଅଛି ୧୫ ଦିନ ଭିତରେ ପୂରଣ କରିବା, ଓ ଅନ୍ୟାନ୍ୟ ମୌଳିକ ସୁବିଧା (ବିସ୍ଥାପିତ ମାନଙ୍କୁ ମେଡିକାଲ୍, ପାନୀୟଜଳ, ଶିକ୍ଷା) ୩ ମାସ ମଧ୍ୟରେ ପୂରଣ କରିବା ପାଇଁ ନାଲକୋ ପ୍ରଶାସନ ଲିଖିତ ପ୍ରତିଶ୍ରୁତି ଦେଇଥିବା ନେଇ ବିସ୍ଥାପିତ ପରିବାରର ସଦସ୍ୟମାନେ ଜଣାଇଛନ୍ତି ।