ଉଦ୍ଧାର ମଟରସାଇକେଲ ଲିଙ୍କ ଖୋଜିବାକୁ କୋରାପୁଟରେ ଆନ୍ଧ୍ର ପୋଲିସ

ଗତ କିଛିଦିନ ପୂର୍ବେ କୋରାପୁଟ ଟାଉନ ପୋଲିସ ଏକ ଗାଡି ଚୋରି କରୁଥିବା ଗ୍ୟାଙ୍ଗର ଚାରି ଜଣଙ୍କୁ ଗିରଫ କରିଥିଲା । ଗଣମାଧ୍ୟମରେ କିଛି ଗାଡି ଆନ୍ଧ୍ରର ଜାଣିବା ପରେ ଆନ୍ଧ୍ରପ୍ରଦେଶର ବିଜୟନଗରସ୍ଥିତ ସେଣ୍ଟ୍ରାଲ କ୍ରାଇମ ପୋଲିସର ଚାରିଜଣ ଅଧିକାରୀ ଆଜି(ରବିବାର) କୋରାପୁଟ ଏସଡିପିଓ ଗୁଣନିଧି ମଲ୍ଲିକଙ୍କୁ ଭେଟିଛନ୍ତି । ଅଧିକ ପଢନ୍ତୁ...

କୋରାପୁଟ: ଗତ କିଛିଦିନ ପୂର୍ବେ କୋରାପୁଟ ଟାଉନ ପୋଲିସ ଏକ ଗାଡି ଚୋରି କରୁଥିବା ଗ୍ୟାଙ୍ଗର ଚାରି ଜଣଙ୍କୁ ଗିରଫ କରିବା ସହ ଜିଲ୍ଲାର ବିଭିନ୍ନ ଅଞ୍ଚଳରୁ ଚୋରି ହୋଇଥିବା 15ଟି ମଟରସାଇକେଲ ଉଦ୍ଧାର କରିଥିଲା । ତେବେ ଏହି ଗାଡି ଗୁଡିକ ମଧ୍ୟରେ କିଛି ଗାଡି ଆନ୍ଧ୍ର ରେଜିଷ୍ଟ୍ରେସନ ଥିବା ବିଷୟ ଗଣମାଧ୍ୟମରୁ ଜାଣିବା ପରେ ଆନ୍ଧ୍ରପ୍ରଦେଶର ବିଜୟନଗରସ୍ଥିତ ସେଣ୍ଟ୍ରାଲ କ୍ରାଇମ ପୋଲିସର ଚାରିଜଣ ଅଧିକାରୀ ଆଜି(ରବିବାର) କୋରାପୁଟ ଏସଡିପିଓ ଗୁଣନିଧି ମଲ୍ଲିକଙ୍କୁ ଭେଟିଛନ୍ତି ।

ଏହି ମଟରସାଇକେଲ ଗୁଡିକର ଚେସିସ ନମ୍ବର ସହ ଆନ୍ଧ୍ର ପୋଲିସ ସେମାନଙ୍କ ଥାନା ଗୁଡିକରେ ଥିବା ମାମଲା ଗୁଡିକ ସହ ମେଳ କରିବା ପରେ ପୁଣି ଥରେ କୋରାପୁଟ ଆସିବେ ବୋଲି ମଲ୍ଲିକ ଜଣାଇଛନ୍ତି । ଏହି ମଟରସାଇକେଲ ଚୋରିହେବା ଘଟଣାର ତଦନ୍ତ କରି ପୋଲିସ ହାତରେ ମୁଖ୍ୟ ଅଭିଯୁକ୍ତ ଅଜିତ କୁମାର ପାଣିଗ୍ରାହୀ ଧରା ପଡିବା ପରେ କୋରାପୁଟ ଓ ଜୟପୁରର ତିନିଜଣ ସହଯୋଗୀଙ୍କୁ ମଧ୍ୟ ଗିରଫ କରାଯାଇଥିଲା ।

କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ