କୋରାପୁଟ: ପୁଣି ଓଡ଼ିଶା ମାଟିରେ ଦାଦାଗିରି ଆରମ୍ଭ କରିଛନ୍ତି ଆନ୍ଧ୍ର ସରକାର । କୋଟିଆ ପଞ୍ଚାୟତ ଅନ୍ତର୍ଗତ ଧୂଳିପଦର ଗ୍ରାମରେ ଓଡିଶା ସରକାରଙ୍କ ଦ୍ବାରା ରାସ୍ତା କାମ ଚାଲିଥିବା ବେଳେ ତାକୁ ବନ୍ଦ କରିଛି ଆନ୍ଧ୍ର ସରକାର । ପଡ଼ୋଶୀ ସରକାର ପ୍ରଥମ ଥର ପାଇଁ ଏପରି କରିଥିବା ଜଣାପଡ଼ିଛି ।
ଓଡିଶା ମାଟିରେ ଓଡିଶାର କାମକୁ ଅଟକାଇଲା ଆନ୍ଧ୍ର
ଧୂଳିପଦର ନିକଟରେ ଏକ JCB ରାସ୍ତା କାମରେ ନିୟୋଜିତ ହୋଇଥିବା ବେଳେ ଆନ୍ଧ୍ର ପୋଲିସ ତାକୁ ସେଠାରୁ ହଟିଯିବା ପାଇଁ କହିଛନ୍ତି । ଏପର୍ଯ୍ୟନ୍ତ କୋଟିଆ ପଞ୍ଚାୟତର ଓଡି଼ଶା ମାଟିରେ ଆନ୍ଧ୍ରର ବେଆଇନ ଅନୁପ୍ରବେଶକୁ ରୋକିବା ପାଇଁ ଓଡି଼ଶା ତରଫରୁ ସେମାନଙ୍କ ଦ୍ବାରା ନିର୍ମାଣ ହେଉଥିବା କାର୍ଯ୍ୟ ଓ କାର୍ଯ୍ୟକ୍ଷମ ହେଉଥିବା ଆନ୍ଧ୍ର ସରକାରଙ୍କ ସରକାରୀ ଯୋଜନାକୁ ବିରୋଧ କରାଯାଇଥିବା ବେଳେ ପ୍ରଥମ ଥର ପାଇଁ ଆନ୍ଧ୍ର ସରକାର ଓଡ଼ିଶା ମାଟିରେ ଓଡ଼ିଶାର କାର୍ଯ୍ୟକୁ ବନ୍ଦ କରିଛି ।