କୋରାପୁଟ: ପ୍ରଥମେ ଫେସବୁକରେ ବନ୍ଧୁତା । ବନ୍ଧୁତାରୁ ନିବିଡତା । ପରେ ବନ୍ଧୁତାର ସୁଯୋଗରେ ଯୁବକଙ୍କୁ ଠକି ଚାଲିଲେ ନକଲି ଫେସବୁକ ଆକାଉଣ୍ଟ ଧାରୀ । ଅନଲାଇନରେ ଠକିନେଲେ ଲକ୍ଷ ଲକ୍ଷ ଟଙ୍କା । ଶେଷରେ ଯୁବକ ଜଣକ ଥାନାର ଦ୍ବାରସ୍ଥ ହେବା ପରେ ଅଭିଯୁକ୍ତକୁ ଗିରଫ କରିଛି ପୋଲିସ । ଏମିତି ଏକ ଘଟଣା ଘଟିଛି କୋରାପୁଟ ଜିଲ୍ଲାର ସେମିଳିଗୁଡାରେ ।
ଭାରି ପଡିଲା ଫେସବୁକ ବନ୍ଧୁ
ପୁରା ଘଟଣା ଏମିତି, ଗତ ଦୁଇବର୍ଷ ତଳେ ସେମିଳିଗୁଡା ନିବାସୀ ଜଗଦିଶ ପାଢ଼ୀଙ୍କ ଫେସବୁକ ଆକାଉଣ୍ଟକୁ ଦେବସ୍ମିତା ନାମଧାରୀ ଆକାଉଣ୍ଟରୁ ଫ୍ରେଣ୍ଡସିପ ପାଇଁ ଅନୁରୋଧ ଆସିଥିଲା । ଜଗଦିଶ ରିକ୍ବେଷ୍ଟକୁ ଗ୍ରହଣ କରିଥିଲେ । ତା ପରେ ଉଭୟଙ୍କ ମଧ୍ୟରେ ଆରମ୍ଭ ହୋଇଯାଇଥିଲା କଥାବାର୍ତ୍ତା । ଯାହାର ସୁଯୋଗ ନେଇ ଦେବସ୍ମିତା ଜଗଦିଶଙ୍କୁ ମାଙ୍କ ଦେହ ଖରାପ ଅଛି କହି ଟଙ୍କା ମାଗିଥିଲେ ।