କୋରାପୁଟ: ଜିଲ୍ଲାରେ ବୁଧବାର ଛଅ ଜଣ କୋରୋନା ପଜିଟିଭ ଚିହ୍ନଟ ହୋଇଥିବା ନେଇ ଜିଲ୍ଲାପାଳ ମଧୁସୂଦନ ମିଶ୍ର ଜଣାଇଛନ୍ତି । କୋରାପୁଟର ଜଣେ ମହିଳାଙ୍କ ସମେତ ଦାମନଯୋଡି ଓ ଜୟପୁରରେ କଟକ ଓ ଗଞ୍ଜାମରୁ ଘରକୁ ଫେରିଥିବା ଜଣେ ଲେଖାଏଁ ବ୍ୟକ୍ତି ସଂକ୍ରମିତ ହୋଇଥିବା ବେଳେ ବୋରିଗୁମ୍ମାରେ ତିନିଜଣ ନାବାଳକ ପଜିଟିଭ ହୋଇଛନ୍ତି ଫଳରେ ଜିଲ୍ଲା ପ୍ରଶାସନର ଚିନ୍ତା ବଢିଯାଇଛି । ସେମାନେ ଟ୍ୟୁସନ ଶିକ୍ଷକଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବା ସୂଚନା ମିଳିଛି । ଚିକିତ୍ସିତ ହେଉଥିବା ଯୋଗୁଁ ସେମାନଙ୍କର କଣ୍ଟ୍ରାକ୍ଟ ଟ୍ରେସିଂ କରାଯାଉଛି ।
କୋରାପୁଟରୁ ଛଅ କୋରୋନା ପଜିଟିଭ
ବାରମ୍ବାର ତାଗିଦ କରିବା ସତ୍ତ୍ବେ ଅଭିଭାବକମାନେ ପିଲାଙ୍କୁ ଟ୍ୟୁସନ ପଠାଉଥିବା ଏବଂ କୋଭିଡ ଗାଇଡଲାଇନକୁ ଅମାନ୍ୟ କରି ଶିକ୍ଷକମାନେ ଟ୍ୟୁସନ କରୁଥିବା ଚିନ୍ତାଜନକ ପରିସ୍ଥିତି ସୃଷ୍ଟି କରିଛି । ଟ୍ୟୁସନ ବନ୍ଦ କରିବା ଓ ବିବାହ ବ୍ରତାଦି କାର୍ଯ୍ୟକ୍ରମରେ ଗହଳି ନକରିବା ପାଇଁ ପ୍ରଶାସନ ତରଫରୁ ପତ୍ର ମାଧ୍ୟମରେ ତାଗିଦ କରାଯାଇଛି ।