5 ଲକ୍ଷ ଟଙ୍କାର ଗଞ୍ଜେଇ ଜବତ, 2 ଗିରଫ

କୋରାପୁଟ ଜିଲ୍ଲା ପାଡୁଆ ପୁଲିସ ବିପୁଳ ପରିମାଣର ଗଞ୍ଜେଇ ଜବତ କରିବା ସହିତ ଦୁଇଜଣଙ୍କୁ ଗିରଫ କରିଛି । ଅଧିକ ପଢନ୍ତୁ...

କୋରାପୁଟ: ପଣ୍ଡ ହେଲା ଗଞ୍ଜେଇ ଚାଲାଣ । ଆନ୍ଧ୍ରପ୍ରଦେଶ ସୀମାନ୍ତରୁ ବିହାର ଅଞ୍ଚଳକୁ ହେଉଥିଲା ଗଞ୍ଜେଇ ଚାଲାଣ । ପଣ୍ଡ କଲା ପୋଲିସ । କୋରାପୁଟ ଜିଲ୍ଲା ପାଡୁଆ ପୋଲିସ ବିପୁଳ ପରିମାଣର ଗଞ୍ଜେଇ ଜବତ କରିବା ସହିତ ଦୁଇଜଣଙ୍କୁ କାବୁ କରିଛି ।

ପାଡୁଆ ପୋଲିସ ଓଡିଶା ଆନ୍ଧ୍ରସୀମାନ୍ତ ବାଇଲିଗୁଡା ଓ ହାଟଗୁଡା ରାସ୍ତାରେ ଗଞ୍ଜେଇ ଚୋରା ଚାଲାଣ ଖବର ପାଇ ପାଟ୍ରୋଲିଂ କରୁଥିଲେ । ସେହି ସମୟରେ ଆନ୍ଧ୍ରପ୍ରଦେଶ ସୀମାନ୍ତ ସୁଡୁବୁ ଅଞ୍ଚଳରୁ ଏକ ବୋଲେରୋ ଗାଡି ଦ୍ରୁତ ଗତିରେ ଆସୁଥିବା ଦେଖି ପାଡୁଆ ପୁଲିସ ହାଟଗୁଡା ଛକ ନିକଟରେ ଗାଡିକୁ ଅଟକାଇ ଯାଞ୍ଚ କରିଥିଲା । ସେଥିରୁ ବିପୁଳ ପରିମାଣର ଗଞ୍ଜେଇ ଜବତ କରିଥିଲା ପୋଲିସ । ଏହା ସହିତ ଦୁଇଜଣଙ୍କୁ ଗିରଫ କରିଛି ପୋଲିସ ।

ଗାଡ଼ିରେ 144କେଜି 700 ଗ୍ରାମ ଗଞ୍ଜେଇ ରହିଥିବା ଜାଣିବାକୁ ପାଇଛି ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ 5 ଲକ୍ଷ ଟଙ୍କାର ହେବ ବୋଲି ପାଡୁଆ ପୁଲିସ ପକ୍ଷରୁ କୁହାଯାଇଛି । ଅନ୍ୟପଟେ ଗାଡ଼ି ସହ ଗରିଫ ବିହାର ଅଞ୍ଚଳର ସନ୍ତୋଷ କୁମାର ଯାଦବ ଓ ମାଲୁ କୁମାର ଯାଦବକୁ ଗିରଫ କରି ଅଧିକ ପଚରା ଉଚରା ଜାରି ରଖିଛି ପୋଲିସ । ଅଧିକ ତଦନ୍ତ ପରେ ୨ଜଣକୁ କୋର୍ଟ ଚାଲାଣ କରାଯିବ ବୋଲି ପାଡୁଆ ଥାନାଧିକାରୀ ପ୍ରକାଶ କରିଛନ୍ତି ।

କୋରାପୁଟରୁ ସି.ଏଚ ଶାନ୍ତାକାର,ଇଟିଭି ଭାରତ