ମୃତ୍ୟୁ ଏମିତି ବି ଆସେ, ଦୁର୍ଘଟଣାରେ 3 ମୃତ

କୋରାପୁଟ ଦାମନଯୋଡି ନିକଟରେ ଘଟିଯାଇଛି ଏକ ଦୁଃଖଦ ଘଟଣା । ଭାରସାମ୍ୟ ହରାଇ ଏକ ଟିପ୍ପର ଘରେ ପଶିଯିବାରୁ 3 ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଛି । ଏହି ଘଟଣା ପରେ ଘଟଣାସ୍ଥଳରେ ଚାପା ଉତ୍ତେଜନା ପ୍ରକାଶ ପାଇଛି ।

କୋରାପୁଟ: ରଜ ସଂକ୍ରାନ୍ତି ଅବସରରେ ସାରା ରାଜ୍ୟ ଉତ୍ସବମୁଖର ଥିବା ବେଳେ କୋରାପୁଟ ଦାମନଯୋଡ଼ି ନିକଟସ୍ଥ ଭେଜାପୁଟରେ ଖେଳି ଯାଇଛି ଶୋକର ଛାୟା । ଏକ ଟିପ୍ପର ଭାରସାମ୍ୟ ହରାଇ ଜଣେ ବ୍ୟକ୍ତିଙ୍କ ଘରେ ପଶିଯିବାରୁ ଘଟଣାସ୍ଥଳରେ 3 ଜଣଙ୍କ ମୃତ୍ୟୁ ହୋଇଯାଇଛି । କିନ୍ତୁ ଏହି ଦୁର୍ଘଟଣାରେ 14 ବର୍ଷର ଜଣେ ନାବାଳକ ବର୍ତ୍ତି ଯାଇଥିବା ଜଣାପଡ଼ିଛି ।

ସୂଚନାଯୋଗ୍ୟ, ରାତି ପ୍ରାୟ 1ଟା ବେଳେକୁ ସେମିଳିଗୁଡା ଆଡୁ ଦୃତ ଗତିରେ ଗାଡିଟି ଆସୁଥିବା ସମୟରେ ହଠାତ ଭାରସାମ୍ୟ ହରାଇ ଘର ଭିତରେ ପଶି ଯାଇଥିଲା । ସେପଟେ, ଘଟଣାକୁ ନେଇ ଗ୍ରାମବାସୀ ସକାଳୁ ଭେଜାପୁଟ ଛକରେ ରାସ୍ତାରୋକ କରିବା ସହ କ୍ଷତିପୂରଣ ଦାବି କରିଛନ୍ତି ।

କୋରାପୁଟରୁ ସିଏଚ.ଶାନ୍ତାକାର ଇଟିଭି ଭାରତ