କୋରାପୁଟ: ଜିଲ୍ଲାରେ ତିନି ନକଲି ମାଓବାଦୀ ଗିରଫ । ଗୋଟିଏ ପିସ୍ତଲ, ଗୁଳି ଓ ଲେଟର ପ୍ୟାଡ ପ୍ରଭୃତି ଜବତ । ନିଜକୁ ମାଓବାଦୀର ପରିଚୟ ଦେଇ ସେମିଳିଗୁଡା, ନାରାୟଣପାଟଣା, ଲକ୍ଷ୍ମୀପୁର ଓ ବନ୍ଧୁଗାଁ ଅଞ୍ଚଳରେ ଅନେକ ଲୋକଙ୍କ ଠାରୁ ଟଙ୍କା ନେଉଥିବା ଅଭିଯୋଗରେ ଗିରଫ କଲା ପୋଲିସ ।
ସ୍ଥାନୀୟ ଅଞ୍ଚଳର ଠିକାଦାର, ସରପଞ୍ଚ ଓ ଅନ୍ୟାନ୍ୟ ବ୍ୟକ୍ତିଙ୍କ ଠାରୁ ଏମାନେ ଡରାଇ ଧମକାଇ ଟଙ୍କା ନେଉଥିବାବେଳେ ଜଣେ ସରପଞ୍ଚଙ୍କ ଅଭିଯୋଗକ୍ରମେ ଏମାନଙ୍କୁ ଗିରଫ କରାଯାଇଥିବା ସୂଚନା । ସେମିଳିଗୁଡା ଅଞ୍ଚଳରୁ ଗିରଫ ହୋଇଥିବା ଏହି ତିନି ଜଣିଆ ଗ୍ୟାଙ୍ଗ ଫୋନ ଯୋଗେ ଧମକ ଦେଇ ଠିକଣା ଜାଗାରେ ଟଙ୍କା ପହଞ୍ଚାଇବା ପାଇଁ କହୁଥିଲେ ବୋଲି କହିଛନ୍ତି କୋରାପୁଟ ଆରକ୍ଷୀ ଅଧିକ୍ଷକ ମୁକେଶ ଭାନୁ ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ