କୋରାପୁଟ:ପଣସ ବୋଝେଇ ଟ୍ରକରେ ଗଞ୍ଜେଇ ଚୋରାଚାଲାଣ ହେଉଥିବା ବେଳେ ପୋଲିସର ଚଢାଉ । ପ୍ରାୟ 1 କୋଟି ଟଙ୍କାର ଗଞ୍ଜେଇ ଜବତ ସହ 3ଜଣଙ୍କୁ ଗିରଫ କଲା ପୋଲିସ । ଜଲାପୁଟ ଅଞ୍ଚଳର ଜବାଗଡ଼ ଠାରୁ ଏକ ଟ୍ରକରେ ଗଞ୍ଜେଇ ଭର୍ତ୍ତି କରି ଆନ୍ଧ୍ରପ୍ରଦେଶର ଗୁଣ୍ଟୁର ଅଞ୍ଚଳକୁ ଚାଲାଣ ହେଉଥିବା ନେଇ ଖବର ପାଇଥିଲା । ମାଛକୁଣ୍ଡ, ଲମତାପୁଟ ଓ ଜଲାପୁଟ ପୋଲିସ ।
ପଣସ ବୋଝେଇ ଟ୍ରକରୁ 1କୋଟି ଟଙ୍କାର ଗଞ୍ଜେଇ ଜବତ, ୩ଗିରଫ
ଏନେଇ ଏକ ୩ଜଣିଆ ଟିମ ଗଠନ କରି ଟିକାପୁଟ ଛକ ନିକଟରେ ଗାଡିଗୁଡିକୁ ଯାଞ୍ଚ କରୁଥିବା ସମୟରେ ହଠାତ୍ ଜବାଗଡ଼ ଅଞ୍ଚଳରୁ ଏକ ପଣସ ବୋଝେଇ ଟ୍ରକ ଦ୍ରୁତ ଗତିରେ ଆସୁଥିବା ଦେଖି ପୋଲିସ ତାକୁ ଅଟକାଇ ଯାଞ୍ଚ କରିଥିଲା । ତେବେ ଟ୍ରକରେ ବିପୁଳ ପରିମାଣରେ ଗଞ୍ଜେଇ ଚାଲାଣ ହେଉଥିବା ଜାଣିବାକୁ ପାଇଥିଲା । ପରେ ମାଛକୁଣ୍ଡ ପୁଲିସ ଟ୍ରକକୁ ଜବତ କରିବା ସହ ଆନ୍ଧ୍ରପ୍ରଦେଶର ଗୁଣ୍ଟୁର ଅଞ୍ଚଳର ୩ ଜଣକୁ ଗିରଫ କରିଛି । ଜବତ ଟ୍ରକରୁ ୧ ହଜାର ୮କେଜି ଗଞ୍ଜେଇ ଜବତ କରିଛି କରିଛି ପୋଲିସ ।