ବିଚିତ୍ରଙ୍କ ବିଚିତ୍ର ମୃତ୍ୟୁ ଭୁବନେଶ୍ବର:ରାଜଧାନୀର ସହିଦନଗର ଥାନାରେ ଏଭଳି ବିଚିତ୍ର ଘଟଣା ଦେଖିବାକୁ ମିଳିଛି । ମୃତ ଯୁବକଙ୍କ ନାଁ ବିଚିତ୍ର ପଲେଇ, ବୟସ ୪୨, ଘର ଗାଡ଼କଣ। ତେବେ ସୁଧ ଟଙ୍କା ପାଇଁ ଘଟିଛି ତୁମୁଳକାଣ୍ଡ । ବାଣୀବିହାର ଛକରେ କିଛି ଧସ୍ତାଧସ୍ତି ପରେ ସହିଦନଗର ଥାନାକୁ ଗଲେ ଯୁବକ ଜଣଙ୍କ । ହେଲେ ସେଠାରେ ହଠାତ ତାଙ୍କର ମୃତ୍ୟୁ ଘଟିଥିଲା । ଅନ୍ୟପଟେ ପୋଲିସ ଏହି ଘଟଣାରେ ୨ ଜଣଙ୍କୁ ଗିରଫ କରିଛି । ତେବେ ନାଲକୋ ଛକରେ ବିଚିତ୍ରଙ୍କ ଏକ ଗାଙ୍ଗୁରାମ ଦୋକାନ ରହିଛି ।
ଆର୍ଥିକ ଅନାଟନରେ ବ୍ୟତିବ୍ୟସ୍ତ ହେବା ପରେ ୩୦ ଲକ୍ଷରୁ ଉର୍ଦ୍ଧ୍ବ ଟଙ୍କା ଋଣ କରି ଥିଲେ। ସେହିପରି ବର୍ଷେ ତଳେ ଉଚ୍ଚ ସୁଧ ହାରରେ ନେତ୍ରମଣି ବେହେରାଙ୍କ ଠାରୁ ୩ ଲକ୍ଷ ଟଙ୍କା ସୁଧକୁ ନେଇଥିଲେ ବିଚିତ୍ର । ମାସ ପରେ ମାସ ସୁଧ ଦେବାରେ ଖିଲାପ କରିବା ପରେ ଗତକାଲି(ଶୁକ୍ରବାର) ରାତିରେ ଗାଡ଼କଣ ଠାରେ ପହଞ୍ଚିଥିଲେ ନେତ୍ରମଣି ଓ ତାଙ୍କ ସହଯୋଗୀ। ଗୋଟିଏ କାରରେ ତାଙ୍କୁ ବସାଇବା ସହ ସହର ସାରା ବୁଲାଇ ନିର୍ଦ୍ଧୁମ ଛେଚିଥିଲେ । ବାଣୀବିହାର ଛକରେ କାରରୁ ଖସି ପ୍ରାଣ ବିକଳରେ ଦୌଡିଥିଲେ ବିଚିତ୍ର। ଦୌଡ଼ି ଦୌଡ଼ି ପ୍ରାଣ ବିକଳରେ ସହିଦନଗର ଥାନାରେ ପହଂଚିଥିଲେ ଆଉ ଏହି ସମୟରେ ସେ ଫୋନ ରେ କଥା ହେଉଥିବା ବେଳେ ହଠାତ ଟଳିପଡିଥିଲେ ।
ଏହାର ଲାଇଭ ଦୃଶ୍ୟ ସିସିଟିଭିରେ ରେକର୍ଡ ହୋଇଛି। ସ୍ଥାନୀୟ କିଛି ଯୁବକ ତାଙ୍କୁ ଉଦ୍ଧାର କରି ଥାନା କୁ ନେଇଥିଲେ ବିଚିତ୍ର । ହେଲେ ସେଠାରୁ ତାଙ୍କୁ ହସ୍ପିଟାଲ ନେଲାପରେ ଯୁବକ ଙ୍କୁ ଡାକ୍ତର ମୃତ ଘୋଷଣା କରଥିଲେ ବ ବିଚିତ୍ର ପତ୍ନୀଙ୍କ ଏତଲା ମୁତାବକ ପୋଲିସ ନେତ୍ରମଣି ବେହେରା ଓ ତାଙ୍କ ସମ୍ପର୍କୀୟ ଭାଇ ବଟକୃଷ୍ଣ ବେହେରାଙ୍କୁ ଦଫା ୩୦୨, ୩୬୫, ୩୨୩ , ୩୪୧ରେ କୋର୍ଟ ଚାଲାଣ କରିଛି । ଥାନା ପରିସର ମୃତ୍ୟୁ ଘଟିଥିବାରୁ NHRC ଗାଇଡଲାଇନ ଅନୁସାରେ ଏକଜେକ୍ୟୁଟିଭ ମାଜିଷ୍ଟ୍ରେଟଙ୍କ ଉପସ୍ଥିତିରେ ଭିଡ଼ିଓଗ୍ରାଫି ଜରିଆରେ ଶବ ବ୍ୟବଚ୍ଛେଦ କରାଯାଇଛି।
ସାଇଣ୍ଟିଫିକ ଟିମ ଉଭୟ ଥାନା ପରିସର ଓ ବାଣୀବିହାର ଛକରେ ଯାଞ୍ଚ କରିଛନ୍ତି । ପ୍ରତ୍ୟକ୍ଷଦର୍ଶୀଙ୍କ ବୟାନ ୧୬୧ରେ ରେକର୍ଡ ହୋଇଛି । ଘଟଣାରେ ବ୍ୟବହୃତ କାରକୁ ଜବତ କରାଯାଇଛି । ଡ୍ରାଇଭର କୌଶଳକ୍ରମେ ଖସିଯାଇଥିବା ବେଳେ ତାକୁ ଧରିବା ପାଇଁ ଚଢ଼ାଉ ଜାରି ରହିଛି। ସେପଟେ ଗାଇଡ଼ଲାଇନ ମୁତାବକ ଜୋନ ୫ ଏସିପି ଙ୍କ ବଦଳରେ ଘଟଣାର ତଦନ୍ତ ଭାର ଏସିପି କୃଷ୍ଣଚନ୍ଦ୍ର ପଲେଇଙ୍କୁ ଦିଆଯାଇଥିବା କହିଛନ୍ତି ଡିସିପି । ଅନ୍ୟପଟେ ଘଟଣାସ୍ଥଳରେ ସାଇଟିଫିକ ଟିମ ଯାଇ ଅଧିକ ଖୋଳତାଡ଼ କରିଛି ।
ଇଟିଭି ଭାରତ, ଭୁବନେଶ୍ବର
