ଖୋର୍ଦ୍ଧା : ଆଜି ପବିତ୍ର କୁମାରପୂର୍ଣ୍ଣିମାରେ ଜଣେ ଯୁବତୀଙ୍କ ଝୁଲନ୍ତା ମୃତଦେହ ବିଲ ମଧ୍ୟରୁ ଉଦ୍ଧାର ହୋଇଛି । ଏଭଳି ଅଭାବନୀୟ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ଭୁଆସୁଣିପାଟଣା ଗ୍ରାମରେ । ମୃତ ମହିଳା ଜଣଙ୍କ ସୁଶାନ୍ତ ବେହେରାଙ୍କ ଝିଅ ଶିବାନୀ ବେହେରା ବୋଲି ଜଣାପଡିଛି ।
ଭିଡିଓ ସୌଜନ୍ୟ:ପ୍ରତିନିଧି, ଖୋର୍ଦ୍ଧା
ସୂଚନା ଅନୁଯାୟୀ, ଗତ ଦୁଇଦିନ ତଳେ ଶିବାନୀ ଘରୁ ନିଖୋଜ ଥିଲେ । ତେଣୁ ଗତ ଶନିବାର ଥିବା ତାଙ୍କ ମା ବେଗୁନିଆ ଥାନାରେ ଅଭିଯୋଗ କରିଥିଲେ । କିନ୍ତୁ ରବିବାର ଶିବାନୀଙ୍କ ମୃତଦେହ ଗ୍ରାମ ନିକଟ ଗହିର ମଧ୍ୟରେ ଏକ ଗଛରେ ଝୁଲନ୍ତା ଅବସ୍ଥାରେ ଥିବା ଦେଖି ଗ୍ରାମବାସୀ ପୋଲିସକୁ ଖବର ଦେଇଥିଲେ ।