ଲୁଟେରାଙ୍କ ପାଇଁ ଚାଲିଗଲା ଜୀବନ

ବାଲୁଗାଁରେ ଅଭାବନୀୟ ଘଟଣା । ରାଜପଥରେ ଯାଉଥିବାବେଳେ ଲୁଟେରାଙ୍କ ଆକ୍ରମଣରେ ଜଣେ ମହିଳା ମୃତ।

ଖୋର୍ଦ୍ଧା: ଜିଲ୍ଲାର ବାଲୁଗାଁରେ ଅଭାବନୀୟ ଘଟଣା । ରାଜପଥରେ ଯାଉଥିବାବେଳେ ଲୁଟେରାଙ୍କ ଆକ୍ରମଣରେ ଜଣେ ମହିଳା ମୃତ ।

ମୃତ ମଞ୍ଜୁଳା ମହାନ୍ତି ତାଙ୍କର ଜଣେ ସମ୍ପର୍କୀୟ କୈଳାସ ମଲିକଙ୍କ ସହ ମଟର ସାଇକେଲରେ ଆସୁଥିବାବେଳେ ବାଲୁଗାଁ ନିକଟରେ ବିପରୀତ ଦିଗରୁ ଦୁଇଜଣ ଲୁଟେରା ପଲସର ମଟର ସାଇକେଲରେ ଆସି ମଞ୍ଜୁଳାଙ୍କ ଭ୍ୟାନିଟି ବ୍ୟାଗ ଲୁଟିବାକୁ ଉଦ୍ୟମ କରିଥିଲେ ।

ଏହି ଘଟଣାରେ ଗାଡି ଚଳାଉଥିବା କୈଳାସ ଭାରସାମ୍ୟ ହରାଇଥିଲେ । ଫଳରେ ମଞ୍ଜୁଳା ଗାଡିରୁ ଖସି ପଡିଥିଲେ ଓ ତାଙ୍କ ମୁଣ୍ଡରେ ଆଘାତ ଲାଗିଥିଲା । ଏହି ଘଟଣା ସମ୍ପର୍କରେ ସ୍ଥାନୀୟ ଜନସାଧାରଣ ପୋଲିସକୁ ଖବର ଦେଇ ମଞ୍ଜୁଳାଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରିଥିଲେ କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ