ଖୋର୍ଦ୍ଧା: ରାଜ୍ୟରେ ଚାଲିଛି ଭିସି ସରକାର । ଲୋକ ମାନଙ୍କର ଭୋଟ ପାଇ ନିର୍ବାଚିତ ହୋଇଥିବା ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି ସାଂସଦ ଓ ବିଧାୟକ ମାନେ ଏବେ ଆଉ ଦେଖିବାକୁ ମିଳୁନାହାନ୍ତି। ମୁଖ୍ୟମନ୍ତ୍ରୀଙ୍କୁ ମଧ୍ୟ କୌଣସି ସ୍ଥାନରେ ଦେଖିବାକୁ ମିଳୁନି । କାଁଭାଁ ଭିସିରେ କାମ ଚଳାଉଛନ୍ତି ମୁଖ୍ୟମନ୍ତ୍ରୀ । ନିର୍ବାଚିତ ପ୍ରତିନିଧିଙ୍କ ବଦଳରେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ବିଭିନ୍ନ ଜିଲା ଗସ୍ତ କରୁଛନ୍ତି । ତୃତୀୟ ମହଲାର ନିର୍ଦ୍ଧିଷ୍ଟ କିଛି ଅଣଓଡିଆ ଅଫିସରଙ୍କ ହାତରେ ରାଜ୍ୟ ଶାସନ ଡୋରି । ଏଭଳି ଢଙ୍ଗରେ ଆଜି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ।
ଏହାବି ପଢନ୍ତୁ- ସଚିବ ନୁହେଁ ନିର୍ବାଚିତ ପ୍ରତିନିଧି ଲୋକଙ୍କ ସମସ୍ୟା ବୁଝନ୍ତୁ: ଅପରାଜିତା ଷଡଙ୍ଗୀ
ଖୋର୍ଦ୍ଧା ଜିଲ୍ଲାର ଟାଙ୍ଗି ବ୍ଲକ ମଣ୍ଡଳସ୍ତରୀୟ ବିଜେପି ସମାବେଶରେ ଯୋଗଦେଇ ଓଡିଶା ସରକାରଙ୍କୁ ଏହିଭଳି ସମାଲୋଚନା କରିବା ସହ କାଠଗଡାକୁ ଟାଣିଛନ୍ତି ଅପରାଜିତା । ଅପରାଜିତା କହିଛନ୍ତି, ‘‘ରାଜ୍ୟରେ ଚାଲିଛି ଭିସି ସରକାର । ଲୋକ ମାନଙ୍କ ଭୋଟ ପାଇ ନିର୍ବାଚିତ ହୋଇଥିବା ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି ସାଂସଦ ଓ ବିଧାୟକ ମାନେ ଏବେ ଆଉ ଦେଖିବାକୁ ମିଳୁନାହାନ୍ତି। ମୁଖ୍ୟମନ୍ତ୍ରୀଙ୍କୁ ମଧ୍ୟ କୌଣସି ସ୍ଥାନରେ ଦେଖିବାକୁ ମିଳୁନି । କାଁଭାଁ ଭିସିରେ କାମ ଚଳାଉଛନ୍ତି ମୁଖ୍ୟମନ୍ତ୍ରୀ । ନିର୍ବାଚିତ ପ୍ରତିନିଧିଙ୍କ ବଦଳରେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ବିଭିନ୍ନ ଜିଲା ଗସ୍ତ କରୁଛନ୍ତି । ତୃତୀୟ ମହଲାର ନିର୍ଦ୍ଧିଷ୍ଟ କିଛି ଅଣଓଡିଆ ଅଫିସରଙ୍କ ହାତରେ ରାଜ୍ୟ ଶାସନ ଡୋରି ।’’
ସାଂସଦ ଅପରାଜିତା ବର୍ତମାନର ଶାସକ ଦଳର ଅନେକ ସାଂସଦ ଓ ମନ୍ତ୍ରୀଙ୍କର ଦୟନୀୟ ସ୍ଥିତି ସମ୍ପର୍କରେ ମନ୍ତବ୍ୟ ଦେବା ସହିତ ରାଜ୍ୟରେ କିଭଳି ଅଭିଯୋଗ ଶୁଣାଣୀର ବିଫଳତା ଦେଖିବାକୁ ମିଳିଛି ସେ ସମ୍ପର୍କରେ ମନ୍ତବ୍ୟ ଦେଇଛନ୍ତି । 23 ବର୍ଷ ସରକାରରେ ମାତ୍ର କିଛି ଦିନ ଜିଲା ଗସ୍ତ କରୁଥିବା ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ 18ହଜାର ଅଭିଯୋଗ ପାଇବା ଘଟଣାକୁ ତୀବ୍ର ସମାଲୋଚନା କରିବା ସହିତ ଏହା ସରକାରଙ୍କ ଏକ ବଡ଼ ବିଫଳତା ଏବଂ ବ୍ଲକ ଠାରୁ ଜିଲା ପର୍ଯ୍ୟନ୍ତ ଲୋକଙ୍କର ଅଭିଯୋଗ ଶୁଣାଣୀ ପୂର୍ବରୁ ହେଉ ନଥିଲା କି ବୋଲି ପ୍ରଶ୍ନ କରିଛନ୍ତି? କେବଳ ସେତିକି ନୁଁହ ରାଜ୍ୟର ବିଭିନ୍ନ ଯୋଜନାରେ ଓଡ଼ିଆ ସଂସ୍ଥା ମାନଙ୍କୁ ଅଣଦେଖା କରି ଅଣଓଡ଼ିଆ ସଂସ୍ଥା ବିଶେଷକରି ଚେନ୍ନାଇର କମ୍ପାନୀ ମାନଙ୍କୁ ଓଡ଼ିଶାର ବଡ଼ ବଡ଼ ପ୍ରକଳ୍ପ ଟେକି ଦିଆ ଯାଇଥିବା ସେ ଗୁରୁତର ଅଭିଯୋଗ ଆଣିଛନ୍ତି । ଯାହାକି ଓଡ଼ିଶାର ଅର୍ଥନୀତି ଉପରେ ଏହାର ପ୍ରଭାବ ପଡୁଥିବା ସେ ଦର୍ଶାଇଛନ୍ତି ।