ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ସୋରଣ ପଞ୍ଚାୟତ ହଂସରାଡ଼ି ଗ୍ରାମରେ ଉତ୍କଟ ରୂପ ନେଲାଣି ଜଳ ସମସ୍ୟା । ଗ୍ରାମରେ ପ୍ରାୟ ୧୫୦୦ରୁ ଊର୍ଦ୍ଧ୍ବ ଲୋକ ବସବାସ କରୁଥିବାବେଳେ ଏବେ ଜଳ ପାଲଟିଛି ସାତ ସପନ । କୂଅ ଅଛି ହେଲେ ପାଣି ନାହିଁ, ପୋଖରୀ ଅଛି କିନ୍ତୁ ଶୁଖିଲା । ଏପରିକି ସରକାରୀ ସ୍ତରରେ ପାନୀୟ ଜଳଯୋଗାଣ ପାଇଁ ପାଇପ୍ ଅଛି ହେଲେ ପାଣି ଆସୁନି ।
ପାଣିପାଇଁ ଛଟପଟ ହଂସରାଡ଼ି ଗ୍ରାମବାସୀ
ସୋରଣ ପଞ୍ଚାୟତର ବଡ଼ଡିହ ଗ୍ରାମ୍ୟ ପାନୀୟ ଜଳଯୋଗାଣ ପ୍ରକଳ୍ପରୁ ମାନସିଂପୁର, ଚମ୍ପାଦେଇପୁର, ବଡ଼ଡିହ, ହଂସରାଡ଼ି ଏବଂ ରାଧାମୋହନପୁର ଅଞ୍ଚଳର ୧୦ ହଜାରରୁ ଊର୍ଦ୍ଧ୍ବ ଗ୍ରାମବାସୀଙ୍କ ପାଇଁ ପାନୀୟ ଜଳଯୋଗାଣ ପ୍ରକଳ୍ପଟି କାର୍ଯ୍ୟ କରୁଥିଲେ ବି ହଂସରାଡ଼ି ଗ୍ରାମର ୧୫୦୦ ଗ୍ରାମବାସୀ ପାଣି ପାଇଁ ଡହଳ ବିକଳ ହେଉଛନ୍ତି ।