ଖୋର୍ଦ୍ଧା:ଖୋର୍ଦ୍ଧାରେ ଚାଞ୍ଚଲ୍ୟ । ପଥର ଖଣି ଭିତରୁ ଅଖାରେ ବନ୍ଧା ଯାଇଥିବା ଜଣେ ଯୁବକଙ୍କ ମୃତଦେହ ଉଦ୍ଧାର କାରାଯାଇଛି । ଏଭଳି ଏକ ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଆଦର୍ଶ ଥାନା ଅଧିନ ନିଆଳ ଛୋଟା ଗାଡ଼ିଆଖଣିରେ । ମୃତକଙ୍କ ପରିଚୟ ସ୍ପଷ୍ଟ ହୋଇନଥିବା ବେଳେ କେହି ଦୁର୍ବତ୍ତ ଏହି ଯୁବକଙ୍କୁ ହତ୍ୟା କରି ଅଖାରେ ବାନ୍ଧି ଫିଙ୍ଗିଥିବା ସନ୍ଦେହ କରାଯାଉଛି ।
ଖୋର୍ଦ୍ଧାରୋ ଚାଞ୍ଚଲ୍ୟ: ଅଖା ଭିତରୁ ଠାବ ହେଲା ମୃତଦେହ ସୂଚନାଅନୁସାରେ, ଗତକାଲି(ଶୁକ୍ରବାର) କିଛି ସ୍ଥାନୀୟ ଲୋକ ଅଖାରେ କିଛି ବନ୍ଧା ହୋଇ ପଡ଼ିଥିବା ଦେଖିଥିଲେ । ଏହାପରେ ସ୍ଥାନୀୟ ପୋଲିସକୁ ଖବର ଦେଇଥିଲେ । ଖବରପାଇ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି । ଏହାସହ ଖୋର୍ଦ୍ଧା ଆଦର୍ଶ ଥାନା ଅଧିକାରୀ ସଞ୍ଜୟ କୁମାର ପଟ୍ଟନାୟକ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ଡାକ୍ତରଖାନାକୁ ପଠାଇଛନ୍ତି ।
ଇଟିଭି ଭାରତ, ଖୋର୍ଦ୍ଧା
