ଭୁବନେଶ୍ବର ଷ୍ଟେସନରେ ହଇଚଇ, ଟ୍ରେନ ଟଏଲେଟରୁ ମିଳିଲା ମହିଳାଙ୍କ ମୃତଦେହ

ଭୁବନେଶ୍ବର ରେଳ ଷ୍ଟେସନରେ ଧାନବାଦ ଏକ୍ସପ୍ରେସର ଟଏଲଟେ ମଧ୍ୟରୁ ମିଳିଲା ମହିଳାଙ୍କ ମୃତଦେହ । ଅଧିକ ପଢନ୍ତୁ

ଭୁବନେଶ୍ବର:ଟ୍ରେନ ଟଏଲେଟରୁ ଭିତରୁ ମିଳିଲା ଅଜଣା ମହିଳାଙ୍କ ମୃତଦେହ । ଧାନବାଦ ଏକ୍ସପ୍ରେସ ଭୁବନେଶ୍ବର ରେଲୱେ ଷ୍ଟେସନରେ ପହଞ୍ଚିବା ପରେ ମହିଳାଙ୍କ ମୃତଦେହ ଟ୍ରେନର ଟଏଲେଟରେ ପଡ଼ିଥିବା ଦେଖିବାକୁ ମିଳିଥିଲା । ଧାନବାଦ ଏକ୍ସପ୍ରେସ ଯାତ୍ରୀ ଓହ୍ଲାଇବା ପରେ ଏହି ମୃତଦେହକୁ ସଫେଇ କର୍ମଚାରୀ ଦେଖି GRPକୁ ଖବର ଦେଇଥିଲେ । ଏହାପରେ ମହିଳାଙ୍କ ମୃତଦେହକୁ ଉଦ୍ଧାର କରାଯାଇଛି । ମହିଳା ଏକାକୀ ଯାତ୍ରା କରୁଥିଲେ କି ତାଙ୍କ ସହ ଆଉ କିଏ ଥିଲା ସେ ନେଇ ସ୍ପଷ୍ଟ ସୂଚନା ମିଳିନଥିବା ବେଳେ ପୋଲିସ ସମସ୍ତ ଦିଗକୁ ଦେଖି ତଦନ୍ତ ଆରମ୍ଭ କରିଛି ।

ତେବେ ଟ୍ରେନଟି ଧାନବାଦ ଜଙ୍କସନରୁ ଆସି ଭୁବନେଶ୍ବରରେ ପହଞ୍ଚିବା ପରେ ଯାତ୍ରୀମାନେ ନିଜ ନିଜ ଗନ୍ତବ୍ୟ ସ୍ଥଳକୁ ବାହାରି ଯାଇଥିଲେ । ଯାତ୍ରୀ ଓହ୍ଲାଇବା ପରେ ମିଳିଥିଲା ମୃତଦେହ । ଟ୍ରେନ ରହିବା ପରେ ସଫେଇ କର୍ମଚାରୀ ଟ୍ରେନ ସଫା କରିବାକୁ ଯାଇଥିବା ବେଳେ ମୃତଦେହକୁ ଦେଖିଥିଲେ । ଆଉ ଏ ନେଇ ଜିଆରପିକୁ ଖବର ଦେଇଥିଲେ । ଜିଆରପି ସେଠାରେ ପହଞ୍ଚି ମୃତଦେହକୁ ଉଦ୍ଧାର କରିଥିବା ବେଳେ ତଦନ୍ତ ଜାରି ରଖିଛି ଆଉ ଖୋଳତାଡ଼ ଆରମ୍ଭ କରିଛି। ଏବେ ବି ମହିଳାଙ୍କ ପରିଚୟ ଅସ୍ପଷ୍ଟ ରହିଛି।

ଆତ୍ମହତ୍ୟା କରିଥିବା ସନ୍ଦେହ କରାଯାଉଥିବା ବେଳେ ଏହା ହତ୍ୟା ନା ଆତ୍ମହତ୍ୟ ପୋଲିସ ସେହି ଦିଗକୁ ନେଇ ତଦନ୍ତ ଆରମ୍ଭ କରିଛି । ଅନ୍ୟପଟେ ସାଣ୍ଟିଫିକ ଟିମ ପହଞ୍ଚି କିଭଳି ଅବସ୍ଥାରେ ମହିଳାଙ୍କ ମୃତ୍ୟୁ ହୋଇଛି ସେନେଇ ପୁଙ୍ଖାନୁପୁଙ୍ଖ ପରଖିଛି । ଟ୍ରେନ ଟଏଲେଟର ପାରିପାର୍ଶ୍ବିକ ସ୍ଥିତି ଓ ସାମଗ୍ରୀକୁ ତନତନ କରି ଯାଞ୍ଚ କରିଛନ୍ତି । ସାଣ୍ଟିଫିକ ଟିମର ଯାଞ୍ଚ ପରେ କିଭଳି ଓ କେଉଁ ସମୟରେ ମୃତ ମହିଳାଙ୍କର ମୃତ୍ୟୁ ହୋଇଛି ତାହା ଜଣାପଡିବ ବା ସ୍ପଷ୍ଟ ହୋଇପାରିବ ।

ପରେ ମୃତଦେହକୁ ପୋଲିସ ବ୍ୟବଚ୍ଛେଦ ପାଇଁ ପଠାଇବା ସହ ଏନେଇ ଅଧିକ ତଦନ୍ତ ଚଳାଇଛି । ତେବେ ମହିଳା ଜଣଙ୍କର ପରିଚୟ ମିଳିନଥିବା ବେଳେ ସେ ଏକା ଟ୍ରେନରେ ଯାତ୍ରା କରୁଥିଲେ କି ତାଙ୍କ ସହ ଆଉ କିଏ ଥିଲେ ଏନେଇ ମଧ୍ୟ ପୋଲିସ ତଦନ୍ତ ବୋଲି ଜିଆରପି ପକ୍ଷରୁ ସୂଚନା ଦିଆଯାଇଛି । ମୃତଦେହ ମିଳିଲା ପରେ ଭୁବନେଶ୍ବର ଷ୍ଟେସନରେ ହଇଚଇ ସୃଷ୍ଟି ହୋଇଥିବା ବେଳେ ଲୋକମାନେ ଭିଡ଼ ଜମାଇଥିଲେ । ମାତ୍ର ସୁରକ୍ଷାକର୍ମୀଙ୍କ ପକ୍ଷରୁ ଭିଡ଼କୁ ନିୟନ୍ତ୍ରଣ କରାଯାଇଥିଲା ।

ଇଟିଭି ଭାରତ, ଭୁବନେଶ୍ବର