ଭୁବନେଶ୍ବର:କେନ୍ଦ୍ର କ୍ୟାବିନେଟରେ ଉଜ୍ଜ୍ୱଳା ଗ୍ୟାସର ମୂଲ୍ୟ ପୁଣି ହ୍ରାସ ପାଇଛି । କାରଣ ପୂର୍ବରୁ ମିଳୁଥିବା 200 ଟଙ୍କା ସବସିଡିକୁ 300 ଟଙ୍କାକୁ ବୃଦ୍ଧି କରାଯାଇଛି । ଏହି ନିଷ୍ପତି ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ୍ ଟ୍ୱିଟ୍ କରିଛନ୍ତି । ନବରାତ୍ରୀ ପୂର୍ବରୁ ପ୍ରଧାନମନ୍ତ୍ରୀ ମାଆ ଭଉଣୀଙ୍କୁ ପୁଣି ଥରେ ଉପହାର ଦେଇଥିବା ଉଲ୍ଲେଖ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କେନ୍ଦ୍ର କ୍ୟାବିନେଟ୍ରେ ପୁଣି ଥରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ହିତାଧିକାରୀଙ୍କ ପାଇଁ ଗ୍ୟାସ୍ ମୂଲ୍ୟ କମାଇଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ନବରାତ୍ରୀ ଏବଂ ଆସୁଥିବା ପର୍ବପର୍ବଣୀ ପୂର୍ବରୁ ପ୍ରଧାନମନ୍ତ୍ରୀ ପୁଣି ଥରେ ଦେଶର ମାଆ, ଭଉଣୀଙ୍କୁ ଉପହାର ଦେଇଛନ୍ତି ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।
ଏହା ବି ପଢନ୍ତୁ...ମହିଳାଙ୍କ ସଶକ୍ତିକରଣ ହେଲେ ସମାଜର ସଶକ୍ତିକରଣ ହେବ: ଧର୍ମେନ୍ଦ୍ର ପ୍ରଧାନ
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ୍ କରିଛନ୍ତି ଯେ, "ଆରମ୍ଭ ହେବାକୁ ଥିବା ନବରାତ୍ରୀ ପୂର୍ବରୁ ପ୍ରଧାନମନ୍ତ୍ରୀ ପୁଣି ଥରେ ଦେଶର ମାଆ ଓ ଉଭଣୀଙ୍କୁ ଉପହାର ଦେଇଛନ୍ତି । ଉଜ୍ଜ୍ବଳା ଯୋଜନାରେ ରନ୍ଧନ ଗ୍ୟାସର ପ୍ରତି ସିଲିଣ୍ଡର ପ୍ରତି 200 ଟଙ୍କା ସବସିଡି ବଢି 300 ଟଙ୍କା କରିବାକୁ ନିଷ୍ପତ୍ତି ହୋଇଛି । ଏହି ନିର୍ଣ୍ଣୟରେ କୋଟି କୋଟି ପରିବାର ଉପକୃତ ହେବେ । ଉଜ୍ବଳା ଲାଭାର୍ଥୀଙ୍କୁ ଆଗରୁ 200 ସବିସିଡି ଦିଆଯାଉଥିଲା । ଅଗଷ୍ଟରେ 200 ଆଜି 100 ଟଙ୍କା ହ୍ରାସ ପରେ ଉଜ୍ଜ୍ବଳା ଲାଭାର୍ଥୀ ଏବଂ ଏଲିପିଜି ସିଲିଣ୍ଡର ପିଛା 500 ଟଙ୍କା କମରେ ପାଇବେ । ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଅନୁଷ୍ଠିତ କେନ୍ଦ୍ର କ୍ୟାବିନେଟରେ ଏହି ନିଷ୍ପତ୍ତି ହୋଇଛି । ମହିଳାଙ୍କ ଲୁହ ପୋଛିବାକୁ, ଉନ୍ନତ ସ୍ବାସ୍ଥ୍ୟ ଓ ସମ୍ମାନ ଏବଂ ସଶକ୍ତିକରଣକୁ ନେଇ ଦେଶରେ ଏହାଏକ ସ୍ବାଗତଯୋଗ୍ୟ ପଦକ୍ଷେପ । ଗରିବ ଏବଂ ମହିଳା କଲ୍ୟାଣ ଦିଗରେ ଜନହୌତେଶି ନିର୍ଣ୍ଣୟ ପାଇଁ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ।"