ଭୁବନେଶ୍ବର:ରାଜଧାନୀରେ ଜି 20 ଶିକ୍ଷା ୱାର୍କିଙ୍ଗ ଗ୍ରୁପର ତୃତୀୟ ବୈଠକକୁ ଉଦଘାଟନ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଜି ୨୦ ଶିକ୍ଷା କାର୍ଯ୍ୟ ଗୋଷ୍ଠୀ ଅଧୀନରେ କାର୍ଯ୍ୟର ଭବିଷ୍ୟତ ଉପରେ ସ୍ଵତନ୍ତ୍ର ପ୍ରଦର୍ଶନୀକୁ ଉଦଘାଟନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଭବିଷ୍ୟତର ପ୍ରଯୁକ୍ତି ଓ ମଡ୍ୟୁଲ୍ ପ୍ରଦର୍ଶନ କରିବେ ୧୦୦ରୁ ଅଧିକ ପ୍ରଦର୍ଶକ । କାର୍ଯ୍ୟର ଭବିଷ୍ୟତକୁ ନେଇ ଅଭିନବ ଜୋନ୍ ପ୍ରଦର୍ଶନୀରେ ସ୍ଥାନିତ ହୋଇଛି । ଏପ୍ରିଲ ୨୩ ଓ ୨୪ରେ ପ୍ରାକ୍ କାର୍ଯ୍ୟକ୍ରମ ଆୟୋଜନ କରୁଛନ୍ତି ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରଣାଳୟ ।
ଆଜିଠାରୁ 28 ଯାଏ ଚାଲିବ ଏହି ସମ୍ମିଳନୀ । ସମ୍ମିଳନୀର ଉଦ୍ଦେଶ୍ୟ ହେଉଛି ଭବିଷ୍ୟତ କାର୍ଯ୍ୟ ଶୈଳୀରେ ଆଧୁନିକ ପ୍ରଯୁକ୍ତି ବିଦ୍ୟା ଉପରେ କିଭଳି ଗୁରୁତ୍ଵ ଦିଆଯିବ । ଏଆଇ, ମେଟା ଭର୍ଷ, ଅଟମେଷନ ଓ ମେସିନ ଲର୍ଣ୍ଣିଂ ଉପରେ ଆଲୋଚନା ହେବ । ପ୍ରଦର୍ଶନୀରେ 100ରୁ ଅଧିକ ଷ୍ଟଲ୍ ଲାଗିଛି । ନିଟ ରାଉରକେଲା, ଆଇଆଇଏମ୍ ସମ୍ବଲପୁର, ମେଟା ଭଳି ଅନୁଷ୍ଠାନ ପକ୍ଷରୁ ପ୍ରକଳ୍ପ ପ୍ରଦର୍ଶିତ ହୋଇଛି । ଭାରତ ଜି୨୦ ଅଧ୍ୟକ୍ଷତା ଅଧୀନରେ ଭୁବନେଶ୍ବରରେ ଆୟୋଜିତ ହେବାକୁ ଥିବା ତୃତୀୟ ଶିକ୍ଷା କାର୍ଯ୍ୟଗୋଷ୍ଠୀ ବୈଠକ ଉପଲକ୍ଷେ ସ୍ଥାନୀୟ ସିଏସଆଇଆର – ଖଣିଜ ଓ ବସ୍ତୁ ପ୍ରଯୁକ୍ତି ପ୍ରତିଷ୍ଠାନ (ଆଇଏମଏମଟି) ପରିସରରେ ପ୍ରଦର୍ଶନୀ ଆୟୋଜିତ ହୋଇଛି । ଏହି ପ୍ରଦର୍ଶନୀ ପ୍ରଯୁକ୍ତି ନେତୃବର୍ଗ, ବିଶିଷ୍ଟ ବ୍ୟକ୍ତିବିଶେଷ ଓ ଶିକ୍ଷାବିତମାନଙ୍କୁ କାର୍ଯ୍ୟର ଭବିଷ୍ୟତକୁ ନେଇ ସେମାନଙ୍କର ଦୃଷ୍ଟିକୋଣ ଓ ଦୂରଦୃଷ୍ଟିକୁ ପ୍ରଦର୍ଶିତ କରିବା ଲାଗି ସୁଯୋଗ ପ୍ରଦାନ କରିବ । 20ଟି ରାଷ୍ଟ୍ରର 100ରୁ ଅଧିକ ପ୍ରଦର୍ଶନକାରୀ ଉତ୍ପାଦ ପ୍ରଦର୍ଶନ କରିବେ ।
କାର୍ଯ୍ୟକ୍ରମକୁ ସମ୍ବୋଧନ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି, ''ଓଡିଶାରେ କୌଶଳର ପୃଷ୍ଠଭୂମି ରହିଛି । ଗ୍ଲୋବାଲ ଟ୍ରେଡ ଓ କମର୍ସ ରାଜ୍ୟ ମଧ୍ୟରେ ଓଡିଶା ଗୋଟିଏ । ଚାକିରି କିପରି ସୃଷ୍ଟି କରାଯିବ ଯୁବଗୋଷ୍ଠୀଙ୍କ ମଧ୍ୟରେ କିପରି ଉତ୍ସାହ ସୃଷ୍ଟି କରାଯିବ ଜି 20 ହେଉଛି ଉପଯୁକ୍ତ ସ୍ଥାନ । ସ୍କିଲର ଅର୍ଥ ନୁହେଁ ଆଇଆଇଟି, ଡିପ୍ଲୋମା ପଢିଥିବା ଛାତ୍ରଛାତ୍ରୀମାନେ ସ୍କିଲର କାମ କେବଳ ରିପାରିଂ କରିବା ନୁହେଁ । ଭାରତର ଶକ୍ତି ହେଉଛି ତାର ଗଣିତ ଅଧିକରୁ ଅଧିକ ଶିଖିବା ତାର ସାମର୍ଥ୍ୟ । ଯଦି ଯୋଜନା ସଠିକ ଭାବେ କରାଯାଏ ତେବେ ଭାରତ ପାଖରେ ଅବସର ରହିଛି ।''