ଭୁବନେଶ୍ବର:ପହିଲି ରଜରେ ରାଜଧାନୀରୁ ଅଜଣା ମୃତଦେହ ଉଦ୍ଧାର । ମଞ୍ଚେଶ୍ବର ଥାନା ସାମ୍ନାରୁ ରକ୍ତାକ୍ତ ଅବସ୍ଥାରେ ଅଜଣା ମୃତଦେହ ଉଦ୍ଧାର କଲା ପୋଲିସ । ମୃତକ ଜଣଙ୍କ ବୟସ ପାଖାପାଖି ୪୦ରୁ ୪୫ ହୋଇଥିବା ବେଳେ ପରିଚୟ ଅସ୍ପଷ୍ଟ ରହିଛି । ମୃତଦେହ ଶରୀରରେ କୌଣସି ଆଘାତ ନଥିବା ବେଳେ ମୁହଁରୁ ରକ୍ତସ୍ରାବ ହେଉଛି । ମଞ୍ଚେଶ୍ଵର ଥାନାର ମାତ୍ର ୧୦ ଫୁଟ ଦୂରରେ ମୃତଦେହ ଠାବ ହୋଇଛି । କେହି ପଥରରେ ଛେଚି ଯୁବକଙ୍କୁ ହତ୍ୟା କରିଥିବା ପୋଲିସ ସନ୍ଦେହ କରୁଛି ।
ମୃତଦେହ ଉଦ୍ଧାର ପରେ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଇଛି । ମଞ୍ଚେଶ୍ବର ଶିଳ୍ପାଞ୍ଚଳରେ ଡ୍ରାଇଭର ମାନେ ଖଟି କରୁଥିବା ସ୍ଥାନରେ ମୃତଦେହଟି ଉଦ୍ଧାର କରାଯାଉଥିବାରୁ ମୃତକ ଜଣଙ୍କ ବ୍ୟବସାୟୀ ନଚେତ ଟ୍ରକ ଡ୍ରାଇଭର ହୋଇଥିବା ପୋଲିସ ସନ୍ଦେହ କରୁଛି । ମୃତ ବ୍ୟକ୍ତି ଜଣକ କିଏ ତାଙ୍କର ପରିଚୟ କ'ଣ ସେନେଇ ପୋଲିସ ତଦନ୍ତ ଜାରି ରଖିଛି । ଏନେଇ ପୋଲିସର ଏକ ଟିମ୍ ଘଟଣାସ୍ଥଳରେ ଥିବା ସିସିଟିଭି ଫୁଟେଜ ଓ ମୃତକର ପୋଷାକକୁ ଜବତ କରି ଯାଞ୍ଚ କରୁଛି ପୋଲିସ । ସାଇଣ୍ଟିଫିକ୍ ଟିମ୍ ମଧ୍ୟ ଛାନଭିନ ଆରମ୍ଭ କରିଛି।
ଏହା ମଧ୍ୟ ପଢନ୍ତୁ-ରେଳ ଧାରଣାରୁ ଅଜଣା ମୃତଦେହ ଉଦ୍ଧାର, ପରିଚୟ ଖୋଜୁଛି ପୋଲିସ