ଖୋର୍ଦ୍ଧା: ସାରାଦେଶ ଏବେ କୋରାନା ମହାମାରୀ ସହ ଲଢେଇ କରୁଥିବାବେଳେ ଜାରି ରହିଛି ଲକଡାଉନ । ଆଉ ଏଭଳି ପରିସ୍ଥିତିର ସୁଯୋଗ ନେଇ ସକ୍ରିୟ ହୋଇ ଉଠିଛନ୍ତି କିଛି ପକ୍ଷୀ ଶିକାରୀ । ଯାହାର ନଗ୍ନ ଚିତ୍ର ଦେଖବାକୁ ମିଳିଛି ଚିଲିକାରେ । ଖୋର୍ଦ୍ଧା ଚିଲିକାରେ 19 ମୃତ ବିଦେଶୀ ପକ୍ଷୀ ସହ 2 ଜଣଙ୍କୁ ଗିରଫ କରିଛି ପୋଲିସ ।
ଟାଙ୍ଗୀ ରେଞ୍ଜର ସୋରଣ ଚିଲିକା କୂଳରେ ବନ୍ଧୁକ ଗର୍ଜନ ଶୁଣିବା ପରେ ଟାଙ୍ଗୀ ବନ୍ୟପ୍ରାଣୀ ବିଭାଗର କର୍ମଚାରୀ ଅତର୍କିତ ଚଢ଼ାଉ କରିଥିଲେ । ଆଉ ଶିକାରୀମାନେ ନିଷ୍ପାପ ବିଦେଶୀ ପକ୍ଷୀଙ୍କୁ ଶିକାର କରି ଫେରୁଥିବା ସମୟରେ ପୋଲିସ ହାବୁଡରେ ଧରାପଡିଛନ୍ତି।