ଖୋର୍ଦ୍ଧା: ପୁରାଣ ଶାସ୍ତ୍ର ଅନୁସାରେ, ଦେବ ଦେବ ମହାଦେବ ତ୍ରେତୟା ଯୁଗରେ ଯୋଗୀ ବେଶ ଧାରଣ କରିଥିଲେ । ସେହି କାଳରୁ ହିନ୍ଦୁ ସଂସ୍କୃତି ଓ ପରମ୍ପରାରେ ଯୋଗୀ ଓ କେନ୍ଦେରା ଅଂଶ ହୋଇ ରହିଛି। ନିଜ ସନ୍ତାନର ଶୁଭ ମନାସୀ ବାପା ମା ଯୋଗୀ ବେଶରେ ପିଲାଙ୍କୁ ଗାଁ ଦାଣ୍ଡରେ ବୁଲାନ୍ତି । ଏବଂ ପିଲାମାନେ ଲାଉ ଥାଳ ଧରି ଭିକ୍ଷା ମାଗନ୍ତି। ବିଶ୍ୱାସ ରହିଛି ଏପରି କଲେ ପିଲାଙ୍କୁ ଅନ୍ୟମାନଙ୍କର ଆଶିର୍ବାଦ ମିଳିଥାଏ ଏବଂ ଅଶୁଭ ଦୃଷ୍ଟି ତଥା ବିପଦରୁ ଯୋଗୀବେଶ ଘଣ୍ଟ ଘୋଡେଇ ରଖିଥାଏ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଏହା କେବଳ ଧର୍ମୀୟ ବିଶ୍ବାସ ନୁହେଁ ଗୋଟିଏ ସମୟରେ ପରିବାର ପାଇଁ ଏହା ଥିଲା ଜୀବନ ଓ ଜୀବିକା । ସକାଳ ପାଇଲେ ଯୋଗୀଟିଏ କେନ୍ଦେରା ବଜାଇବା ସହ ଜୀବନ ଦର୍ଶନର ଗୀତଗାଇ ଭିକ୍ଷା ସଂଗ୍ରହ କରିଥାନ୍ତି। ପରମ୍ପରାରେ ଲୋକମାନେ ମଧ୍ୟ ଯୋଗୀଙ୍କୁ ଶ୍ରଦ୍ଧା ଓ ସମ୍ମାନର ସହ ଭିକ୍ଷା ଦେଇ ସତପଥ ଏବଂ ଆଧ୍ୟାତ୍ମିକ ମାର୍ଗରେ ଯିବାକୁ ପ୍ରେରଣା ପାଇଥାନ୍ତି ।