ଭୁବନେଶ୍ବର: ଗୁରୁବାର ବସିବ ରାଜ୍ଯ ମନ୍ତ୍ରୀମଣ୍ଡଳ ବୈଠକ। ସକାଳ 11.45ରେ ସଚ୍ଚିବାଳୟରେ ମନ୍ତ୍ରୀ ପରିଷଦର ବୈଠକ ଅନୁଷ୍ଠିତ ହେବାକୁ ସମୟ ଧାର୍ଯ୍ୟ ହୋଇଛି । କିନ୍ତୁ ବୈଠକରେ କେଉଁ ବିଷୟରେ ମୁଖ୍ୟତଃ ଆଲୋଚନା ହେବ ତାହା ଔପଚାରିକ ଭାବରେ ଏପର୍ଯ୍ୟନ୍ତ ଜଣାପଡି଼ ନାହିଁ।
ଗୁରୁବାର ରାଜ୍ୟ ମନ୍ତ୍ରୀପରିଷଦ ବୈଠକ
ଆସନ୍ତାକାଲି ସଚ୍ଚିବାଳୟରେ ସମସ୍ତ ମନ୍ତ୍ରୀଙ୍କୁ ନେଇ ଅନୁଷ୍ଠିତ ହେବ ମନ୍ତ୍ରୀ ପରିଷଦ ବୈଠକ।
ଫାଇଲ ଫଟୋ
ନିର୍ବାଚନ ପୂର୍ବରୁ ସରକାର ‘କାଳିଆ’ ଯୋଜନା ପାଇଁ ରାଜ୍ଯ ଜରୁରୀକାଳୀନ ପାଣ୍ଠିରୁ ଅର୍ଥ ବ୍ୟୟ କରିଥିଲେ । କିନ୍ତୁ ଚଳିତ ବଜେଟରେ କାଳିଆ ଯୋଜନା ପାଇଁ ରାଜ୍ଯ ସରକାର ମଞ୍ଜୁର କରିଥିବା ପାଣ୍ଠି ବାବଦରେ ସବିଶେଷ ତଥ୍ୟ ଜୁଲାଇ 12 ତାରିଖରେ ରଖିବେ ଅର୍ଥମନ୍ତ୍ରୀ । ଏହା ସହ ଅନେକ ଯୋଜନା ଉପରେ ଏହି ବୈଠକରେ ହୋଇପାରେ ଆଲୋଚନା ।
ଭୁବନେଶ୍ବରରୁ ଅଜିତ ଦାଶ, ଇଟିଭି ଭାରତ