ଖୋର୍ଦ୍ଧା: ଓଡିଶା ଏକ କୃଷି ପ୍ରଧାନ୍ୟ ରାଜ୍ୟ । ଓଡିଆଙ୍କ ପର୍ବ ପର୍ବାଣୀ ବି ଏକଦମ ନିଆରା । ବାରମାସ ତେର ପର୍ବରେ ବର୍ଷ ତମାମ ଝଟକୁଥାଏ ସଂସ୍କୃତି ଓ ପରମ୍ପରା । ଓଡିଆଙ୍କ ସବୁ ପର୍ବ ଭିତରେ ଚିତାଲାଗି ଅମାବାସ୍ୟା ବା ଚିତଉ ଅମାବାସ୍ୟା ଅନ୍ୟତମ । ଏହି ଦିନ ଗେଣ୍ଡା ଆଦି ଜଳଚର ପ୍ରାଣୀଙ୍କ ଉଦ୍ଦେଶ୍ୟରେ ଚିତଉ ଓ ଗଇଁଠା ଆଦି ପିଠା ଅର୍ପଣ କରାଯାଇଥାଏ । ଖୋର୍ଦ୍ଧା ଜିଲ୍ଲାରେ ଏହି ପରମ୍ପରା ପାଳନ କରାଯାଉଥିବା ଦୃଶ୍ୟ ଦେଖିବାକୁ ମିଳିଛି ।
ବିଲରେ ଚିତଉ ପିଠା ପକାଇ ଭଲ ଫସଲ ପାଇଁ ଚଷାପୁଅର ପୂଜାର୍ଚ୍ଚନା
ବିଶେଷ କରି ଶ୍ରାବଣ ମାସରେ ଚଷା ପୁଅ ବିଲରେ ରୁଆ ବେଉସଣ କାମ କରିଥାଏ । ଏହି ସମୟରେ କିଭଳି ଫସଲକୁ ରୋଗପୋକ ଦାଉରୁ ରକ୍ଷା କରାଯିବ ଓ ପରିବାର ପାଇଁ ବର୍ଷକର ଆହାର ଅମଳ କରିବ ସେଥିପାଇଁ ଆଜିର ଏହି ଅମବାସ୍ୟାରେ ଘରେ ଚିତୋଉ ପିଠା କରି ଧାନ ବିଲରେ ଧୂପ ଦୀପ ଜାଳି ପିଠା ପକାଇ ମା ଲକ୍ଷ୍ମୀଙ୍କ ନିକଟରେ ପୂଜାର୍ଚ୍ଚନା କରିଥାଏ ଚଷା ପୁଅ ।