ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ନାଚୁଣୀ 16 ନମ୍ବର ଜାତୀୟ ରାଜପଥ ଟ୍ରକ ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଛି। ସୂଚନା ଅନୁଯାୟୀ ମୃତକ ଚିଲିକା ବ୍ଲକ ହରିକୁଣ୍ଡ ବରଡ଼ୀ ଗ୍ରାମର ପ୍ରମୋଦ ପଲାଇଙ୍କ ପୁଅ ତୋଫାନ ପଲାଇ। ଆଗକୁ କୁମାର ପୁନେଇଁ ଆସୁଛି। ଏଥିପାଇଁ ତୋଫାନ ଭାର ନେଇ ନିଜ ଭଉଣୀ ଘରକୁ ବାଇକ ଯୋଗେ ବାହାରିଥିଲେ।
ନାଚୁଣୀରେ ଟ୍ରକ ଧକ୍କାରେ ଯୁବକଙ୍କ ଗଲା ଜୀବନ
ତେବେ ଯିବା ବାଟରେ ହରିକୁଣ୍ଡବରଡ଼ୀ ଢ଼ାବା ନିକଟରେ ତୋଫାନ ବାଇକ ରଖି ରାସ୍ତା ପାର ହେଉଥିବା ବେଳେ ଏକ ଦ୍ରୁତଗାମୀ କଣ୍ଟେନର ଟ୍ରକ ତାଙ୍କୁ ଧକ୍କା ଦେଇ ଚାଲି ଯାଇଥିଲା। ଫଳରେ ଘଟଣାସ୍ଥଳରେ ତୋଫାନ ପଲାଇଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। କଣ୍ଟେନର ଟ୍ରକଟି ଭୁବନେଶ୍ବରୁ ବ୍ରହ୍ମପୁର ଅଭିମୁଖେ ଯାଉଥିବା ସୂଚନା ମିଳିଛି।