ଭୁବନେଶ୍ବର : ଆସନ୍ତା ୪୮ ଘଣ୍ଟା ମଧ୍ୟରେ ରାଜ୍ୟରେ ତାପମାତ୍ରା ୩ ରୁ ୫ ଡିଗ୍ରୀ ତଳକୁ ଖସିବା ନେଇ ଆକଳନ କରିଛି ଆଞ୍ଚଳିକ ପାଣିପାଗ ବିଭାଗ । 24 ଘଣ୍ଟା ଅର୍ଥାତ ବୁ୍ଧବାର ମଧ୍ୟରେ ପୁରୀ,ଗଜପତି,ଗଂଜାମ,ଜଗତସିଂହପୁର,ମାଲକାନଗିରି ଓ କୋରାପୁଟ ଜିଲ୍ଲାରେ ସ୍ଵଳ୍ପରୁ ମଧ୍ୟମ ଧରଣର ବର୍ଷା ହେବା ନେଇ ପୂର୍ବାନୁମାନ କରିଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର। ତେବେ ଏହାର ପ୍ରଭାବରେ ଆସନ୍ତା ୨ ରୁ ୩ ଦିନ ଭିତରେ ତାପମାତ୍ରା ୩ ରୁ ୫ ଡିଗ୍ରୀ ତଳକୁ ଖସିବ। ଅନ୍ୟାନ୍ୟ ଜିଲ୍ଲା ଗୁଡିକରେ ପାଗ ପ୍ରାୟ ଶୁଖିଲା ରହିବ।
ଆସନ୍ତା 48 ଘଣ୍ଟାରେ 3 ରୁ 5 ଡିଗ୍ରୀ ଖସିବ ତାପମାତ୍ରା - ଆଞ୍ଚଳିକ ପାଣିପାଗ ବିଭାଗର ସୂଚନା
ଆସନ୍ତା ୪୮ ଘଣ୍ଟା ମଧ୍ୟରେ ରାଜ୍ୟରେ ତାପମାତ୍ରା ୩ ରୁ ୫ ଡିଗ୍ରୀ ତଳକୁ ଖସିବା ନେଇ ଆକଳନ କରିଛି ଆଞ୍ଚଳିକ ପାଣିପାଗ ବିଭାଗ । କିଛି ସ୍ଥାନରେ ସ୍ବଳ୍ପରୁ ମଧ୍ଯମ ଧରଣର ବର୍ଷା ସୂଚନା । ଅଧିକ ପଢନ୍ତୁ....
ଆସନ୍ତା 48 ଘଣ୍ଟାରେ 3 ରୁ 5 ଡିଗ୍ରୀ ଖସିବ ତାପମାତ୍ରା
ପ୍ରଥମେ ଉତ୍ତର ପଶ୍ଚିମ ଓଡିଶା ଓ ପରେ ଦକ୍ଷିଣ ଓଡିଶାରେ ତାପମାତ୍ରା ହ୍ରାସ ପାଇବ । ଭୁବନେଶ୍ବର ଓ କଟକ ଟୁଇନ ସିଟିରେ ଆକାଶ ଆଂଶିକ ମେଘାଛନ୍ନ ରହିବା ସହ ଧୀରେ ଧୀରେ ପାରଦ ତଳକୁ ଖସିବ। ଗତ ୨୪ ଘଣ୍ଟା ଭିତରେ କୋରାପୁଟ,ମାଲକାନଗିରି ଜିଲ୍ଲାରେ କିଛି ସ୍ଥାନରେ ବର୍ଷା ହୋଇଥିବା ରେକର୍ଡ କରାଯାଇଛି । କୋରାପୁଟରେ ସର୍ବନିମ୍ନ ତାପମାତ୍ରା ୧୪.୬ ଡିଗ୍ରୀ ରହିଥିବା ବେଳେ ,ଅନୁଗୁଳରେ ତାପମାତ୍ରା ୧୬.୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି। ସେହିପରି ଉପକୂଳ ଜିଲ୍ଲା ଗୁଡିକରେ ତାପମାତ୍ରା ସ୍ବାଭାବିକ ଠାରୁ ଉପରେ ରହିଛି।
ଭୁବନେଶ୍ବରରୁ ସଞ୍ଜିବ କୁମାର ରାୟ, ଇଟିଭି ଭାରତ