ଖୋର୍ଦ୍ଧା: ଆଇଏନଏସ ଚିଲିକାର ନୂତନ କମୋଡର ହେଲେ ଏନପି ପ୍ରଦୀପ । ଗତକାଲି(ମଙ୍ଗଳବାର) ଏକ ସମାରୋହରେ ନୌସେନା ଅଧିକାରୀ ଏନ ପି ପ୍ରଦୀପ ଭାରତୀୟ ନୌସେନାର ପ୍ରାରମ୍ଭିକ ନାବିକ ପ୍ରଶିକ୍ଷଣ ପ୍ରତିଷ୍ଠାନ ଆଇଏନଏସ ଚିଲିକାର କମାଣ୍ଡର ଏବଂ ନୌସେନା ଅଧିକାରୀ ଭାବେ କମୋଡର ଋତୁରାଜ ସାହୁଙ୍କ ଠାରୁ ଓଡିଶାର ଦାୟିତ୍ବ ଗ୍ରହଣ କରିଛନ୍ତି । ଆଇଏନଏସ ଚିଲିକାର ଅଧିକାରୀ ଗଣ ଓ ନାବିକମାନେ କମୋଡର ଋତୁରାଜ ସାହୁଙ୍କ 22 ମାସର କାର୍ଯ୍ୟକାଳ ଶେଷରେ ଏକ ପାରମ୍ପରିକ ସମାରୋହରେ ବିଦାୟ ଦେଇଥିଲେ l
କେରଳର ଭାଡାନାମକୁରୁସିରୁ ଆସିଥିବା କମୋଡର ଏନପି ପ୍ରଦୀପ, ଜାତୀୟ ପ୍ରତିରକ୍ଷା ପ୍ରତିଷ୍ଠାନ (ଖଡଗ ବଲସା)ର ପୁରତନ ଛାତ୍ର। ଏହି ଅଧିକାରୀ 1992 ମସିହାରେ ଭାରତୀୟ ନୌସେନାରେ ଜାହାଜପଥ ପ୍ରଦର୍ଶକ ଓ ଦିଗ ବିଶେଷଜ୍ଞ ଭାବେ ଭାରତୀୟ ନୌସେନାରେ ଯୋଗ ଦେଇଥିଲେ।