ଝିଅ ଘରେ ଭାର ଦେଇ ଫେରିବାବେଳେ ଅଘଟଣ, ଟ୍ରାକ୍ଟର ଓଲଟି 10 ଆହତ

ଝିଅ ଘରେ ଭାର ଦେଇ କନ୍ୟା ଘର ଲୋକ ଫେରୁଥିବାବେଳେ ଟ୍ରାକ୍ଟରକୁ ଧକ୍କା ଦେଲା ଟ୍ରକ । ଦୁର୍ଘଟଣାରେ 10 ଆହତ । ଅଧିକ ପଢନ୍ତୁ...

ଖୋର୍ଦ୍ଧା: ନୂଆ ବିବାହିତ ଝିଅ ଘରେ ଭାର ଦେଇ କନ୍ୟା ଘର ଲୋକ ଫେରୁଥିବାବେଳେ ଘଟିଲା ଅଘଟଣ । ଖୋର୍ଦ୍ଧା ଧୂଆଁଳ ଛକରେ ଏକ ଟ୍ରାକ୍ଟରକୁ ପଛ ପଟୁ ଧକ୍କା ଦେଲା ଟ୍ରକ । ଫଳରେ ଟ୍ରାକ୍ଟର ଓଲଟି ପଡି 10 ଜଣ ଲୋକ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ଯୁବକ ଓ ଦମକଳ ବାହିନୀ ଦ୍ବାରା ଉଦ୍ଧାର କରାଯାଇ ବାଲୁଗାଁ ମେଡିକାଲରେ ଭର୍ତ୍ତି କରାଯାଇଛି ।

ସମସ୍ତ ବ୍ୟକ୍ତି ନୂଆ ବାହା ହୋଇଥିବା ଝିଅର କିଛି ଭାର ଝିଅର ଶାଶୁଘରେ ଦେଇ ଟ୍ରାକ୍ଟର ଯୋଗେ ଫେରୁଥିଲେ । ଅଧା ବାଟରେ ଏକ ଟ୍ରକ ପଛ ପଟୁ ଟ୍ରାକ୍ଟରକୁ ଧକ୍କା ଦେଇଥିଲା । ଫଳରେ ଟ୍ରକ ଓଲଟି ପଡିବା ଯୋଗୁଁ 10 ଜଣ ଆହତ ହୋଇଥିଲେ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ