ଖୋର୍ଦ୍ଧା:ଜିଲ୍ଲାର ସିକୋ ନିକଟ ଛିମା ଖଣିରେ ମାଫିଆମାନେ ବେଆଇନ ମାଙ୍କଡା ପଥର କାଟୁଥିବାବେଳେ ବେଗୁନିଆ ତହସିଲଦାରଙ୍କ ଚଢାଉ । ଘଟଣାସ୍ଥଳରୁ ତିନୋଟି ମାଙ୍କଡା ପଥର ବୋଝେଇ ଟ୍ରକ ଜବତ । ତେବେ ଆଗକୁ ମଧ୍ୟ ବେଆଇନ ଖଣିମାନଙ୍କରେ ଏହିପରି ଚଢାଉ କରାଯିବ ବୋଲି ସୂଚନା ଦେଇଛନ୍ତି ତହସିଲଦାର ।
ଦିନକୁ ଦିନ ଖୋର୍ଦ୍ଧା ବେଗୁନିଆ ଅଞ୍ଚଳରେ ବୃଦ୍ଧି ପାଉଛି ମାଙ୍କଡା ପଥର ମାଫିଆଙ୍କ ରାଜୁତି । ମାଫିଆମାନେ ଟାଙ୍ଗରା ଭୂଇଁକୁ ବେଆଇନ ଭାବେ କାଟି ସେଥିରୁ କୋଟି କୋଟି ଟଙ୍କାର ମାଙ୍କଡା ପଥର ଲୁଟି ନେଉଥିବା ଜଣାପଡିଛି । ସେହିପରି ଛିମା ଖଣିରେ ମାଫିଆମାନେ ପ୍ରଶାସନର ତାଗିଦକୁ ଖାତିର ନକରି ଦିନ ଦ୍ବିପ୍ରହରରେ ପଥର କଟୁଥିଲେ । ଖବର ପାଇ ବେଗୁନିଆ ତହସିଲଦାର ଓ ଏକ ଟିମ ଘଟଣାସ୍ଥଳରେ ଚଢାଉ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
