ଖୋର୍ଦ୍ଧା:ଚାଷୀଙ୍କ ନାମରେ ରିହାତିରେ କିଣା ଯାଉଛି ପାଓ୍ବାର ଟିଲର । ହେଲେ ଚାଷ କାମ ପରିବର୍ତ୍ତେ ଖୋର୍ଦ୍ଧା ଜିଲ୍ଲାରେ ଥିବା ବେଆଇନ୍ ମାଙ୍କଡ଼ା ପଥର ଖଣିରେ ବ୍ୟବହୃତ ହେଉଛି ଏହି ପାଓ୍ବାର ଟିଲର । ଚାଷୀଙ୍କ ନାମରେ କିଣି ବେଆଇନ ପଥର ଖଣିରେ ନିୟୋଜିତ କରି ମୁନାଫା କମାଇବା ସହ କୋଟି କୋଟି ଟଙ୍କାର ରାଜସ୍ବ ଲୁଟୁଛନ୍ତି ପଥର ମାଫିଆ । ପୂର୍ବରୁ ସଂଖ୍ୟାଧିକ ପାୱାରଟିଲର ବେଆଇନ ଖଣିରୁ ଜବତ କରାଯାଇଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉ ନଥିଲା । କିନ୍ତୁ ଏନେଇ ବର୍ତ୍ତମାନ ପ୍ରଶାସନର ନିଦ ଭାଙ୍ଗିଛି ।
ରିହାତି ଦରରେ ପାୱାରଟିଲର କିଣି ରାଜସ୍ୱ ଲୁଟୁଛନ୍ତି ପଥର ମାଫିଆ
ଚାଷୀଙ୍କ ନାମରେ ମଞ୍ଜୁର ହୋଇଥିବା ରିହାତି ପାୱାରଟିଲର୍ ଗୁଡ଼ିକ ଯାଞ୍ଚ କରିବା ପାଇଁ ଜିଲ୍ଲାପାଳଙ୍କ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଯେଉଁ ମାନେ ରିହାତିରେ ପାଓ୍ବାର ଟିଲର କିଣି ଖଣି କାର୍ଯ୍ୟରେ ନିୟୋଜିତ କରିଛନ୍ତି ସେମାନଙ୍କ ବିରୋଧରେ ଆଇନ ଆନୁସାରେ ପଦକ୍ଷେପ ନେବାକୁ ଜିଲ୍ଲାପାଳ କୃଷି ବିଭାଗକୁ ନିର୍ଦ୍ଦେଶ ଦେଇଛନ୍ତି।