ଖୋର୍ଦ୍ଧା : ଆଜି ପବିତ୍ର ବିଘ୍ନରାଜଙ୍କ ଗଣେଶ ପୂଜା । ଶୁକ୍ଳପକ୍ଷ ଚତୁର୍ଥୀ ତିଥିରେ ବିରାଜମାନ ହୁଅନ୍ତି ମଙ୍ଗଳ ମୂର୍ତ୍ତି। ଏହି ଅବସରରେ ପୁରପଲ୍ଲୀ ଠାରୁ ସହର ହୋଇଉଠିଛି ଚଳଚଞ୍ଚଳ। ଏହାରି ମଧ୍ୟରେ ଜଣେ ଯୁବକ ପ୍ଲାଷ୍ଟିକର 10 ଇଞ୍ଚ ଉଚ୍ଚତା ବିଶିଷ୍ଟ ଗଜାନନଙ୍କ ମେଢ଼ ତିଆରି କରିଛନ୍ତି । ଏହି ଯୁବକ ଜଣକ ହେଲେ ଖୋର୍ଦ୍ଧା ଜଟଣୀର ଏଲ ଈଶ୍ବର ରାଓ । ଯାହାକୁ ନେଇ ଅଞ୍ଚଳରେ ବେଶ ଜୋଦାର ଧରିଛି ଚର୍ଚ୍ଚା ।
ଏହି ଗଣେଶ ମେଢ଼ର ଉଚ୍ଚତା 10 ଇଞ୍ଚ ରହିଥିବା ବେଳେ ସେଥିରେ ବିରାଜମାନ ହୋଇଥିବା ଗଜାନନଙ୍କ ମୂର୍ତ୍ତିର ଉଚ୍ଚତା 3ଇଞ୍ଚ ରହିଛି । ନିଖୁଣ କଳାକୃତି କରି ସବୁବେଳେ ଚର୍ଚ୍ଚାରେ ରହୁଥିବା ଈଶ୍ବର ଏଥର ଗଣେଶ ପୂଜାରେ ମଧ୍ୟ କିଛି ନିଆରା ପ୍ରୟାସ କରିଛନ୍ତି । ନିଜର ଏକାଗ୍ରତା ବଳରେ ପ୍ଲାଷ୍ଟିକ ନିର୍ଜୀବ ବସ୍ତୁକୁ ଜୀବନ୍ତ କରି ବନାଇଛନ୍ତି ଗଣେଶ ମେଢ।
ଭିଡିଓ ସୌଜନ୍ୟ:ପ୍ରତିନିଧି,ଖୋର୍ଦ୍ଧା