ଭୁବନେଶ୍ବର:କିଛି ମାସର ବିରାମ ପରେ ପୁଣି କୋରୋନା ସଂକ୍ରମଣ ଭୟ ଘାରିଛି । ରାଜ୍ୟରେ ଚୀନ ଭାରିଆଣ୍ଟ ଚିହ୍ନଟ ପରେ ସ୍ବାସ୍ଥ୍ୟ ବିଭାଗର ତତ୍ପରତା ବଢିଛି । ବିଦେଶରେ ବଢୁଛି ସଂକ୍ରମଣ, ଓଡ଼ିଶାରେ ଏହାକୁ ନେଇ ଆଜି (ଶୁକ୍ରବାର) ଗୁରୁତ୍ବପୂର୍ଣ୍ଣ ବୈଠକ ବସିବ ( health department COVID meeting )। ମଧ୍ୟାହ୍ନରେ ଲୋକସେବା ଭବନରେ ମୁଖ୍ୟ ଶାସନ ସଚିବଙ୍କ ଅଧକ୍ଷତାରେ ଏହି ଗୁରୁତ୍ବପୂର୍ଣ୍ଣ ବୈଠକ ବସିବ । ସ୍ବାସ୍ଥ୍ୟ ବିଭାଗ ସହ ଆରଏମଆରସି , ILS ଏବଂ ବିଭିନ୍ନ ମେଡ଼ିକାଲ୍ କଲେଜ କର୍ତ୍ତୃପକ୍ଷ ଏବଂ ଅନାନ୍ୟ ବରିଷ୍ଠ ଅଧିକାରୀମାନେ ବୈଠକରେ ସାମିଲ ହେବେ ।
ଆଗକୁ ଆଛି ଖ୍ରୀଷ୍ଟମାସ ଏବଂ ନୂଆବର୍ଷ । ଜନଗହଳି ହେବାର ସମ୍ଭାବନା ଅଧିକ ରହିଛି । ତେବେ ଜନଗହଳି ଠାରୁ ଦୂରେଇ ରହିବା ସହ ଜନଗହଳି ସ୍ଥାନରେ ମାକ୍ସ ପିନ୍ଧିବାକୁ ଅପିଲ କରିଛି ସ୍ଵାସ୍ଥ୍ୟ ବିଭାଗ । ତେବେ କୋଭିଡ ସ୍ଥିତିକୁ ନେଇ ରାଜ୍ୟରେ କଣ କଟକଣା କରାଯିବ ସେନେଇ ବୈଠକରେ ଆଲୋଚନା ହେବ । ଆଗକୁ ଯଦି ସ୍ଥିତି ସାଙ୍ଘାତିକ ତାର ମୁକାବିଲା ଦିଗରେ ପଦକ୍ଷେପ ଗ୍ରହଣ କରାଯିବା ଦିନରେ ଆଲୋଚନା ହେବ । ବିଭିନ୍ନ ଦିଗକୁ ଦୃଷ୍ଟିରେ ରଖି ପୁଣି କଟକଣା ଲାଗୁ କରାଯିବ କି ନାହିଁ ସେନେଇ ଆଲୋଚନା ହୋଇପାରେ । କାରଣ କିଛି ମାସ ତଳୁ ରାଜ୍ୟ ସରକାର କୋଭିଡର ସମସ୍ତ କଟକଣାକୁ ଉଠାଇ ଦେଇଥିଲେ । ତେବେ ବର୍ତ୍ତମାନ ସର୍ବ ସାଧାରଣ ଜନଗହଳି ସ୍ଥାନରେ ମାସ୍କ ପିନ୍ଧିବା ବାଧ୍ୟତାମୂଳକ କରିପାରନ୍ତି ସରକାର ବୋଲି ସୂଚନା ମିଳିଛି ।