ଖୋର୍ଦ୍ଧା: ବେଗୁନିଆରେ ପହଞ୍ଚିଲା ସ୍ବତନ୍ତ୍ର ରାଜ୍ୟପାହ୍ୟା ଦାବି । ଓଡିଶାକୁ ସ୍ବତନ୍ତ୍ର ରାଜ୍ୟ ପାହ୍ୟା ଦାବି କରି ସାରା ଓଡିଶାରେ ପଦଯାତ୍ରା କରୁଛନ୍ତି ଓଡ଼ିଶା ଜନ ସଚେତନତା ମଞ୍ଚର ଆବାହକ ।
ବେଗୁନିଆରେ ପହଞ୍ଚିଲା ସତ୍ୟବ୍ରତଙ୍କ ସ୍ଵତନ୍ତ୍ର ରାଜ୍ୟ ପାହ୍ୟା ପଦଯାତ୍ରା
ଓଡ଼ିଶାକୁ ସ୍ଵତନ୍ତ୍ର ରାଜ୍ୟପାହ୍ୟା ଦାବି କରି ୨୦୧୯ ମସିହା ଜୁଲାଇ ୧୦ ତାରିଖରୁ ଆରମ୍ଭ କରିଥିବା ଓଡ଼ିଶା ଜନ ସଚେତନତା ମଞ୍ଚର ଆବାହକ ସତ୍ୟବ୍ରତ ଦାସ ଆଜି ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକରେ ପହଞ୍ଚିଛନ୍ତି l ସତ୍ୟବ୍ରତଙ୍କ ଘର ଜଗତସିଂହପୁର ଜିଲ୍ଲା ବାଲିକୁଦା ବ୍ଲକରେ । ସେ ତାଙ୍କର ଏହି ପଦଯାତ୍ରା ଯାଜପୁର ଜିଲ୍ଲା ବଡ଼ଚଣା ବ୍ଲକରୁ ଆରମ୍ଭ କରିଛନ୍ତି l ଆଜି ସୁଦ୍ଧା ସେ ୫୦୦ ଦିନ ସାରା ଓଡିଶା ପଦଯାତ୍ରାରେ ୨୭୭ ବ୍ଲକରେ ପହଞ୍ଚିଛନ୍ତି l ସତ୍ୟବ୍ରତ ବେଗୁନିଆରେ ପହଞ୍ଚିବା ପରେ ତାଙ୍କୁ ବେଗୁନିଆର ସମାଜସେବୀ,ସାମ୍ବାଦିକ ଓ ବେଗୁନିଆ ବିଧାୟକଙ୍କ ପ୍ରତିନିଧି ଉପସ୍ଥିତ ରହି ସ୍ବାଗତ ଜଣାଇଥିଲେ ।