ନିଆଳି:ସରକାରୀ କର୍ମଚାରୀଙ୍କୁ ମାଡ ମାରିଲେ ମାଟି ମାଫିଆ । ରାଜଧାନୀ ଉପକଣ୍ଠ ବାଲିପାଟଣା ଥାନା ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି । ସୂଚନା ଅନୁସାରେ ଆରଆଇ ଏବଂ ସହକାରୀ କର୍ମଚାରୀଙ୍କୁ ମାଡ ମାରିଛନ୍ତି ମାଟି ମାଫିଆ ।
ତେବେ ବାଲିପାଟଣା ତହସିଲ ସୋମଣା ଶାସନ ଆରଆଇ ଅଧିନ ସେଉଳକୁଣ୍ଡ ଗ୍ରାମରେ ଏହି ଘଟଣା ଘଟିଛି । ଦୁର୍ବୃତ୍ତଙ୍କ ଆକ୍ରମଣରେ ସୋମଣ ଶାସନ ଆରଆଇ ବସନ୍ତ ସ୍ଵାଇଁ ଓ କର୍ମଚାରୀ ବେଣୁଧର ପରିଡା ଆହାତ ହୋଇଛନ୍ତି । ସୋମଣା ଶାସନ ଆରଆଇ ସର୍କଲ ଅଧିନ ଉଳକୁଣ୍ଡ ମୌଜାରୁ ବେଆଇନ ଭାବେ ଜେସିବି ଲୋଡର ମେସିନ ଏବଂ ଟ୍ରାକ୍ଟର ଯୋଗେ ମାଟି ଚାଲାଣ ହେଉଥିବା ଆରଆଇ ବସନ୍ତ ସ୍ଵାଇଁ ଖବର ପାଇଥିଲେ ।