ଖୋର୍ଦ୍ଧା: ସ୍କୁଲ ଖେଳପଡିଆରେ ଘର । ଖେଳପଡିଆ ଜମିକୁ ଜବରଦଖଲ କରି ଗଢ଼ି ଉଠିଛି ଅଟ୍ଟାଳିକା । ଯେତେ ବିରୋଧ କଲେ ବି କିଛି ଫଳ ମିଳୁନି । କାରଣ ଜବରଦଖଲକାରୀଙ୍କ ମୁଣ୍ଡ ଉପରେ ରହିଛି ପ୍ରଶାସନିକ ଛତ୍ରଛାୟା । ଏନେଇ ଖୋର୍ଦ୍ଧା ବେଗୁନିଆ ବ୍ଲକ ସାମନ୍ତରାପୁରରେ ବଢ଼ୁଛି ଜନ ଅସନ୍ତୋଷ ।
ସ୍କୁଲ ଜମିକୁ ଜବର ଦଖଲ କରୁଛନ୍ତି ଜମି ମାଫିଆ, ପ୍ରଶାସନ ଚୁପ୍
ସୂଚନାଯୋଗ୍ୟ ଯେ, ଦେଉଳି ପଞ୍ଚାୟତ ସାମନ୍ତରାପୁର ଗ୍ରାମର ଉନ୍ନିତ ପ୍ରାଥମିକ ବିଦ୍ୟାଳୟକୁ ଲାଗି ରହିଛି ୨ ଏକର ୫୪୦ ଡିସିମିଲର ଖେଳ ପଡିଆ । ଡଙ୍ଗରପଡା ଗାଁର ଶିଖର ବିଶ୍ବାଳ ଏହି ଜମିରୁ କିଛି ଜମିକୁ ନିଜ ଦଖଲରେ ରଖି ବେଆଇନ କୋଠା ନିର୍ମାଣ କରୁଥିବା ଅଭିଯୋଗ ହୋଇଛି । ଏ ସଂପର୍କରେ ଗାଁ ଲୋକେ ୨୦୦୦ ମସିହାରୁ ଜିଲ୍ଲା ପ୍ରଶାସନକୁ ଜଣାଇଥିଲେ ବି କିଛି ସୁଫଳ ମିଳୁନି । ଯାହାକୁ ନେଇ ତାତିଛନ୍ତି ସାମନ୍ତରାପୁର ଗାଁ ଲୋକେ ।