ଖୋର୍ଦ୍ଧା: ଦିଲ୍ଲୀରୁ ପଲ୍ଲୀ ପର୍ଯ୍ୟନ୍ତ ପାଳନ ହେଉଛି ପବିତ୍ର ଗାନ୍ଧୀ ଜୟନ୍ତୀ । କିନ୍ତୁ ବିଶ୍ଵାମିତ୍ର ଜନସେବା ଟ୍ରଷ୍ଟ ପକ୍ଷରୁ ନିଆରା ଢଙ୍ଗରେ ଏହି ଦିବସକୁ ପାଳନ କରାଯାଇଛି । ଗାନ୍ଧୀ ଜୟନ୍ତୀ ଅବସରରେ ସାମ୍ପ୍ରଦାୟିକ ସଦଭାବନା ଅଭିଯାନ ଆରମ୍ଭ କରିଛି ଏହି ବିଶ୍ଵାମିତ୍ର ଜନସେବା ଟ୍ରଷ୍ଟ ।
ଗାନ୍ଧୀଙ୍କ ବାର୍ତ୍ତା ନେଇ ସାମ୍ପ୍ରଦାୟିକ ସଦଭାବନା ଅଭିଯାନ ଆରମ୍ଭ
ଗାନ୍ଧୀ ଜୟନ୍ତୀ ଅବସରରେ ବିଶ୍ଵାମିତ୍ର ଜନସେବା ଟ୍ରଷ୍ଟ ପକ୍ଷରୁ ଏହି ସାମ୍ପ୍ରଦାୟିକ ସଦଭାବନା ଅଭିଯାନ ଦୀର୍ଘ ତିନି ଦିନ ବ୍ୟାପି ହେବାକୁ ଥିବା ବେଳେ ଗତକାଲି ହିନ୍ଦୁ ମୁସଲିମ ଭାଇଚାରାର ଗାଁ କାଇପଦର ପୀର ବାବାଙ୍କ ପୀଠରୁ ଆରମ୍ଭ ହୋଇଛି । ଏହି ଯାତ୍ରା ବୋଲଗଡ଼ ବ୍ଲକ ମାଣିକାଗୋଡା ଠାରେ ଶେଷ ହେବ ବୋଲି ଜଣାପଡିଛି । ୭୫ କିଲୋମିଟର ଏହି ଯାତ୍ରା ଗାଁ ଗାଁ ବୁଲି ଗାନ୍ଧୀଙ୍କ ବାର୍ତ୍ତା ପ୍ରଦାନ କରିବ । ହିନ୍ଦୁ ମୁସଲମାନ ଭାଇଚାରାର ଯାତ୍ରା ବାଘମାରୀ ପରିକ୍ରମା କରି ଗଁପୁର ଠାରେ ପହଞ୍ଚିଥିଲା ।