ଭୁବନେଶ୍ବର: ବହୁ ପ୍ରତୀକ୍ଷାର ଅନ୍ତ ଘଟାଇ ଫିଲ୍ମ ଫ୍ରାଇଡରେ ରିଲିଜ୍ ହେଲା ରିବେଲ ଷ୍ଟାର ପ୍ରଭାସଙ୍କ ଫିଲ୍ମ 'ସାଲାର' । ସକାଳ ୫ଟାରୁ ଭୁବନେଶ୍ବର ସମେତ ଦେଶର ବିଭିନ୍ନ ସିନେମା ହଲରେ ଫାଷ୍ଟ ଡେ’ ଫାଷ୍ଟ ଶୋ’ ଦେଖିଛନ୍ତି ଫ୍ୟାନ୍ସ । କିଏ କେକ୍ କାଟି ଖୁସି ମନାଉଛି ତ ଆଉ କିଏ କ୍ଷୀର ଆଉ ଫୁଲରେ ଅଭିଷେକ କରିଛି । ତେବେ ରାଜଧାନୀ ଭୁବନେଶ୍ୱରର ସ୍ଵାତୀ ହଲରେ ଦେଖିବାକୁ ମିଳିଥିଲା ପ୍ରଭାସଙ୍କ ପାଇଁ ଅଭିଷେକ। ଭୁବନେଶ୍ୱରରେ ଥିବା ତାଙ୍କର ଫ୍ୟାନ୍ସ କ୍ଲବର ସଦସ୍ୟମାନେ କ୍ଷୀର ସହ ଫୁଲ ଢାଳି ତାଙ୍କ ଫଟୋରେ ଏହି ଅଭିଷେକ କରିଛନ୍ତି ।
ଫିଲ୍ମ ନିର୍ମାତା ୨୭୦ କୋଟି ବଜେଟର ଏହି ଚଳଚ୍ଚିତ୍ରର ସଫଳତାକୁ ନେଇ ବେଶ ଆଶାବାଦୀ ଥିବାବେଳେ କେକ୍ କାଟି ପ୍ରଭାସଙ୍କ କମ ବ୍ୟାକକୁ ସ୍ୱାଗତ କରିଛନ୍ତି ଫ୍ୟାନ୍ସ । ନାଚି ଗାଇ ନାରା ଦେଇ ବେଶ ହସ ଖୁସିରେ ଦର୍ଶକମାନେ ସିନେମା ଦେଖିଥିବାବେଳେ ପ୍ରଭାସଙ୍କ ପ୍ରଶଂସାରେ ଫିଲ୍ମ ହଲ ପ୍ରକମ୍ପିତ ହୋଇଥିଲା । "ଏହି ସିନେମା ଆଜି ପ୍ରଥମ ଦିନରେ ହାଉସଫୁଲ ନୁହେଁ, ବରଂ ବ୍ଳକବସ୍ଥାର ହେବ ଓ ୫୦୦ କୋଟିରୁ ଉର୍ଦ୍ଧ୍ବ ଇନକମ୍ କରିବ" ବୋଲି କହିଛନ୍ତି ପ୍ରଶଂସକ । ସେପଟେ ଫିଲ୍ମର ସଫଳତା ପାଇଁ ଫ୍ୟାନ୍ସଙ୍କ ଏଭଳି ସେଲିବ୍ରେସନ ଚର୍ଚ୍ଚାର ବିଷୟ ପାଲଟିଛି ।
ଏହା ମଧ୍ୟ ପଢନ୍ତୁ...ପ୍ରେକ୍ଷାଳୟ ବାହାରେ ପ୍ରଭାସଙ୍କ ଫ୍ୟାନ୍ସଙ୍କୁ ପୋଲିସର ଲାଠିଚାର୍ଜ, ଭିଡିଓ ଭାଇରାଲ