8,550 ଟଙ୍କାର ଜାଲ ନୋଟ ଜବତ, ଦୁଇ ଗିରଫ

ଖୋର୍ଦ୍ଧା ଅଞ୍ଚଳରେ ଜାଲ ନୋଟ କାରବାର ଅଭିଯୋଗରେ ଖୋର୍ଦ୍ଧା ଆଦର୍ଶ ଥାନା ପୋଲିସ 2 ଜଣଙ୍କୁ ଗିରଫ କରିଛି ।

ଖୋର୍ଦ୍ଧା: ଜାଲ ନୋଟ କାରବାର ଅଭିଯୋଗରେ ଖୋର୍ଦ୍ଧା ଆଦର୍ଶ ଥାନା ପୋଲିସ 2 ଜଣଙ୍କୁ ଗିରଫ କରିଛି । ସୂଚନା ଅନୁଯାୟୀ କଟକ ଜିଲ୍ଲା ତାଳବସ୍ତ ଗାଁର ବିଜୁ ଦାସ ଏବଂ ଯାଆଁଳା ଫାଣ୍ଡି ଅନ୍ତର୍ଗତ ଓଗାଳପଡାର ବାପୁଜୀ ଚରଣ ସିଂ ଖୋର୍ଦ୍ଧା ଅଞ୍ଚଳରେ ଜାଲ ନୋଟ କାରବାର କରୁଥିବା ଖବର ପୋଲିସ ଜାଣିବାକୁ ପାଇଥିଲା ।

ଏହାପରେ ଖୋର୍ଦ୍ଧା ଆଦର୍ଶ ଥାନା ପୋଲିସ ଚଢ଼ାଉ କରି ସେମାନଙ୍କୁ ଗିରଫ କରିଛି । ସେମାନଙ୍କ ପାଖରୁ 8,550 ଟଙ୍କାର ଶହେ ଏବଂ ପଚାଶ ଟଙ୍କିଆ ଜାଲ ନୋଟ ଜବତ କରିଛି ପୋଲିସ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ