ପୁରିଲା ଦ୍ବିତୀୟ ମାସ, କାଲି ମୁଖିଆଙ୍କୁ ରିପୋର୍ଟ କାର୍ଡ ଦେବେ ମନ୍ତ୍ରୀ

ଶେଷ ହେବାକୁ ଯାଉଛି ଦ୍ବିତୀୟ ମାସ । ମନ୍ତ୍ରୀ ନିଜର ରିପୋର୍ଟ ରଖିବା ପାଇଁ ଆରମ୍ଭ କରିଦେଇଛନ୍ତି ପ୍ରସ୍ତୁତି । ପଞ୍ଚମ ପାଳିର ଦ୍ବିତୀୟ ରିପୋର୍ଟ କାର୍ଡ ରଖିବେ ମନ୍ତ୍ରୀ ।

ଭୁବନେଶ୍ବର: ପୁରିଲା ମାସିକିଆ କଣ୍ଟା। କାଲି ମୁଖିଆଙ୍କୁ ରିପୋର୍ଟ କାର୍ଡ ଦେବେ ମନ୍ତ୍ରୀ। ମାସକରେ କଣ କାମ କରିଛନ୍ତି ଆଉ କଣ ଯୋଜନା ରଖିଛନ୍ତି ତାର ହିସାବ ନେବେ ରାଜ୍ୟ ମୁଖିଆ । ଯାହାକୁ ନେଇ ଚିନ୍ତାରେ ପଡ଼ି ଯାଇଛନ୍ତି ମନ୍ତ୍ରୀ।

ପଞ୍ଚମ ପାଳିରେ ପ୍ରଥମ ରିପୋର୍ଟ ଜୁଲାଇ 7ରେ ଦେଇଥିଲେ ମନ୍ତ୍ରୀ । କାଲି ଦେବେ ଦ୍ଵିତୀୟ ରିପୋର୍ଟ। ଏନେଇ ମଙ୍ଗଳବାର ସଚିବାଳୟରେ ମନ୍ତ୍ରୀ ଆସି ରିପୋର୍ଟ ପ୍ରସ୍ତୁତିରେ ଲାଗି ପଡ଼ିଥିଲେ।

ବିଶେଷ କରି ସରକାରୀ ଯୋଜନାର କାର୍ଯ୍ୟକାରିତା । ବିଭାଗ ନିର୍ବାଚନ ପ୍ରତିଶ୍ରୁତି ପୂରଣ ପାଇଁ ନେଇଥିବା ପଦକ୍ଷେପ । 5ଟି କାର୍ଯ୍ୟକାରୀ କ୍ଷେତ୍ରରେ ବିଭାଗ ନେଇଥିବା ପଦକ୍ଷେପ ଉପରେ ରିପୋର୍ଟ ପ୍ରସ୍ତୁତ କରିବେ ମନ୍ତ୍ରୀ ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ