ନିଆରା ଢଙ୍ଗରେ ରାକ୍ଷୀ ପୂର୍ଣ୍ଣିମା ପାଳନ, ଗଛକୁ ରାକ୍ଷୀ ବାନ୍ଧି ପରିବେଶ ସଚେତନତା ବାର୍ତ୍ତା

ଭୁବନେଶ୍ବରରେ ନିଆରା ଢଙ୍ଗରେ ରାକ୍ଷୀ ପୂର୍ଣ୍ଣିମା ପାଳନ । ଜୀବନଦାୟୀ ବୃକ୍ଷକୁ ରାକ୍ଷୀ ବାନ୍ଧି ଦେଲେ ପରିବେଶ ସଚେତନ ବାର୍ତ୍ତା । ଅଧିକ ପଢ଼ନ୍ତୁ

ଭୁବନେଶ୍ବର: ଆଜି ପବିତ୍ର ରକ୍ଷା ବନ୍ଧନ । ବିଶ୍ୱାସ ଭଲପାଇବା ଓ ସୁରକ୍ଷାର ବାର୍ତ୍ତା ନେଇ ଭଉଣୀ ତା ଭାଇ ହାତରେ ରାକ୍ଷୀ ବାନ୍ଧିଥାଏ । ଏ ପରମ୍ପରା କେଉଁ ଯୁଗରୁ ଆମ ଭାରତୀୟଙ୍କ ପାଇଁ ଏକ ପ୍ରମୁଖ ପର୍ବ ଭାବେ ପାଳନ ହୋଇ ଆସୁଛି । ପରମ୍ପରା ସହ ପ୍ରକୃତିର ସଂପର୍କକୁ ନେଇ ପ୍ରକୃତିକୁ ପ୍ରଦୂଷଣରୁ ବଞ୍ଚାଉଥୁବା ବା ରକ୍ଷା କରୁଥିବା ବୃକ୍ଷ ରେ ରାକ୍ଷୀ ବାନ୍ଧିଛନ୍ତି ବକୁଳ ଫାଉଣ୍ଡେସନ । ଏହି ଫାଉଣ୍ଡେସନର ସଦସ୍ୟ ପରିବେଶର ସୁରକ୍ଷା ଥିମକୁ ପ୍ରତିପାଦିତ କରିବାକୁ ଯାଇ ରାକ୍ଷୀ ପୂର୍ଣିମାରେ ଗଛ ସହ ସମ୍ପର୍କକୁ ନେଇ ବୃକ୍ଷ ବନ୍ଧନ ନାଁରେ ଅଭିନବ ଉପାୟରେ ଗଛରେ ରାକ୍ଷୀ ବାନ୍ଧିଛନ୍ତି । ଭୁବନେଶ୍ୱରରେ ଥିବା ବିଭିନ୍ନ ଗଛକୁ ରାକ୍ଷୀ ବାନ୍ଧିଛନ୍ତି । ସ୍କୁଲ ପିଲାଙ୍କ ପ୍ରସ୍ତୁତ ଇକୋ ଫ୍ରେଣ୍ଡଲି ରାକ୍ଷୀକୁ ଗଛରେ ବାନ୍ଧିବା ସହ ପରିବେଶ ସଚେତନତା ବାର୍ତ୍ତା ଦେଇଛି ଫାଉଣ୍ଡେସନ ।

ଫାଉଡେସନ ଅଧ୍ଯକ୍ଷ ସୁଜିତ କୁମାର ମହାପାତ୍ର କହିଛନ୍ତି,"ରାକ୍ଷୀ ପୂର୍ଣ୍ଣିମା ପୂର୍ବରୁ ପରିବେଶକୁ ସୁହାଉଥିବା ଇକୋ ଫ୍ରେଣ୍ଡଲି ରାକ୍ଷୀ ପ୍ରସ୍ତୁତ କରାଯାଇଥିଲା । ଏହି ରାକ୍ଷୀ ମାଟିରେ ପଡିବା ପରେ ସେଥିରୁ ନୂତନ ଗଛର ସୃଷ୍ଟି ହେବ । ଏହି ବାର୍ତ୍ତାକୁ ନେଇ ଯେଉଁ ରାକ୍ଷୀ ପ୍ରସ୍ତୁତ କରାଯାଇଥିଲା ସେହି ରାକ୍ଷୀକୁ କୁନିକୁନି ପିଲାଙ୍କ ଦ୍ବାରା ଆମକୁ ଜୀବନ ଦାନ କରୁଥିବା ଗଛମାନଙ୍କୁ ବନ୍ଧା ଯାଇଥିଲା । ଭଉଣୀ ଭାଇକୁ ସୁରକ୍ଷା କାମନା କରୀ ରeକ୍ଷୀ ବାନ୍ଧିଥିବା ବେଳେ ଆମକୁ ଜୀବନ ଦେଉଥିବା ବୃକ୍ଷ ପାଇଁ ମଣିଷ ଆହୁରି ସଚେତନ ହେବାର ଅବଶ୍ୟକତା ରହିଛି । ତେଣୁ ଗଛର ପୂଜା କରି, ଦ୍ବୀପ, ଅରୁଆ ଚାଉଳ, ସିନ୍ଦୁର, ଟିକା ଲଗାଇ ଗଛକୁ ରାକ୍ଷୀ ବନ୍ଧା ଯାଇଛି ।’’

ଦିନକୁ ଦିନ ଗଛ କଟା ବୃଦ୍ଧି ହେବାରୁ ପରିବେଶ ପ୍ରଦୂଷଣ ବଢ଼ୁଥିବାରୁ ବୃକ୍ଷଟିଏ ଆମକୁ ସୁରକ୍ଷା ଦେଉଥିବାରୁ ଗଛ ଲଗାଇ ପରିବେଶର ସଚେତନତା ବାର୍ତ୍ତା ଦେଇଛି ଫାଉଣ୍ଡେସନ । ଏହାସହ ସେମାନେ ପ୍ରତିବର୍ଷ ପରି ଗଛରେ ରାକ୍ଷୀ ବାନ୍ଧିବା କାର୍ଯ୍ୟକ୍ରମ କରୁଥିବା ବେଳେ ଏଥର ସ୍କୁଲ୍‌ର ପିଲାମାନଙ୍କ ସହ ମିଶି ରକ୍ଷା ବନ୍ଧନ ପାଳିଛନ୍ତି ।

ଇଟିଭି ଭାରତ, ଭୁବନେଶ୍ବର