ଖୋର୍ଦ୍ଧା: ପାଖେଇ ଆସୁଛି ରାକ୍ଷୀ ପୂର୍ଣ୍ଣିମା । ଭାଇ ଉଭଣୀଙ୍କ ପବିତ୍ର ସମ୍ପର୍କର ଏକ ପବିତ୍ର ଦିନ । ରାକ୍ଷୀ ପୂର୍ଣ୍ଣମୀକୁ ଆହୁରି ମାସେ ଥିବା ବେଳେ ଖୋର୍ଦ୍ଧା ଜିଲ୍ଲା ଜଟଣୀ ସହରରେ ଏବେଠୁ ଜମିଲାଣି ରାକ୍ଷୀ ବେପାର । ଓଡ଼ିଶାର ମିନି କୋଲକାତା ଭାବେ ପ୍ରସିଦ୍ଧି ଅର୍ଜନ କରିଥିବା ଜଟଣୀ ସହରରେ ରାକ୍ଷୀର ହୋଲସେଲ ଗୋଦାମ ଖୋଲାଯାଇଛି । ଭଳିକି ଭଳି ଡିଜାଇନର ରାକ୍ଷୀର ପସରା ମେଲାଇ ବିକ୍ରି ଆରମ୍ଭ ହେଲାଣି ।
ଏହା ମଧ୍ୟ ପଢ଼ନ୍ତୁ:10 ହଜାର ଫୁଟ ଉଚ୍ଚରେ ଭାରତର ଶେଷ ଗାଁରେ ITBP ଯବାନଙ୍କ ସହ ରକ୍ଷାବନ୍ଧନ ପାଳିଲେ ମହିଳା
ରାଜ୍ୟର ବିଭିନ୍ନ ଅଞ୍ଚଳରୁ ଖୁଚୁରା ବ୍ୟବସାୟୀମାନେ ଏଠାରୁ ହୋଲସେଲ ଦରରେ ରାକ୍ଷୀ ନେଇ ବ୍ୟବସାୟ କରି ଲାଭବାନ ହୋଇଥାଆନ୍ତି । ସେହିଭଳି ଭଳି କିଭଳି ବିିଭିନ୍ନ ଡିଜାଇନର ରାକ୍ଷୀ କିଣିବାକୁ ଗ୍ରାହକ ମଧ୍ୟ ଭିଡ଼ ଲଗାଉଥିବା ଦେଖିବାକୁ ମିଳିଛି । ଚଳିତବର୍ଷ ବଜାରରେ ପ୍ରାୟ ୨୦୦ରୁ ଊର୍ଦ୍ଧ୍ୱ ପ୍ରକାରର ରାକ୍ଷୀ ଆସିଥିବା ବେଳେ ବିଶେଷ କରି ଜଗନ୍ନାଥଙ୍କ ରାକ୍ଷୀର ଚାହିଦା ଅଧିକ ରହିଥିବା କହିଛନ୍ତି ବ୍ୟବସାୟୀ । ଏନେଇ ସେ କହିଛନ୍ତି, " ଦିଲ୍ଲୀ, କଲିକତା, ବମ୍ବେ, ଅହମ୍ମଦାବାଦ, ରାଜସ୍ଥାନ ଆଦି ଅଞ୍ଚଳରୁ ରାକ୍ଷୀ ଅଣାଯାଉଛି । ଗତ ବର୍ଷ ଅପେକ୍ଷା ଚଳିତ ବର୍ଷ ଅଧିକ ପ୍ରକାରର ରାକ୍ଷୀ ଅଣାଯାଇଛିି । ଚଳିତ ବର୍ଷ ପଚାଶ ପଇସାଠାରୁ ଆରମ୍ଭ କରି 150 ଟଙ୍କା ପର୍ଯ୍ୟନ୍ତ ରହିଛି ହୋଲସେଲ ରାକ୍ଷୀର ଦର ।"