ଭୁବନେଶ୍ବର: ସରକାରଙ୍କ ନିୟମକୁ ଘରୋଇ ସ୍କୁଲଙ୍କ ଫୁ । ସରକାରଙ୍କ ନିର୍ଦ୍ଧାରିତ ନିୟମକୁ ଭାଙ୍ଗି କରୁଛନ୍ତି ମନମାନୀ । କେତେବେଳେ ମନ ଇଚ୍ଛା ବହିର ଦର ବାଢାଉଛନ୍ତି ତ ଆଉ କେତେବେଳେ ଫି ବୃଦ୍ଧି କରୁଛନ୍ତି । ପିଲାଙ୍କ ସମେତ ଅଭିଭାବକଙ୍କ ଉପରେ ଲଦି ଦିଆଯାଉଛି ଫି ବୃଦ୍ଧିର ଭାର । ଏହାକୁ ନେଇ ବାରମ୍ବାର ଅଭିଯୋଗ ହୋଇଥିଲେ ମଧ୍ୟ ଆଖି ଦୃଷ୍ଟିଆ କାର୍ଯ୍ୟନୁଷ୍ଠାନ ହେଉ ନଥିବା ଅଭିଯୋଗ କରିଛନ୍ତି ଅଭିଭାବକ ।
ଢେଙ୍କାନାଳର ଏକ ଘରୋଇ ସ୍କୁଲ ଦୀର୍ଘ ଦିନ ଧରି ସରକାରଙ୍କ ନିୟମ ବିରୁଦ୍ଧରେ କାଯ୍ୟ କରିଆସୁଅଛି । ବିଶେଷ କରି ଶିକ୍ଷା ଅଧିକାର ଆଇନ୍ 2009ର 29 ଧାରା ଅନୁଯାୟୀ ପ୍ରଥମରୁ ଅଷ୍ଟମ ପଯ୍ୟନ୍ତ ଏନ୍ ସି ଆର ଟି ବହିରେ ପାଠ ପଢେଇବା ପାଇଁ ବାଧ୍ୟତାମୂଳକ ଭାବେ କରାଯାଇଛି । ହେଲେ ସ୍କୁଲ ଅର୍ଥ ଲୋଭରେ ଏନ.ସି.ଆର.ଟି ବହି ନ ପଢ଼େଇ ଅନେକ ବହି ଚଢା ଟଙ୍କାରେ ବିକ୍ରି କରୁଥିବା ବାରମ୍ବାର ଅଭିଯୋଗ ହେଉଛି । ଏହାକୁ ଦୃଷ୍ଟିରେ ରଖି ଭୁବନେଶ୍ୱର ମାଧ୍ୟମିକ ଶିକ୍ଷା ନିର୍ଦ୍ଦେଶକ ତଦନ୍ତ କରିବାକୁ ଢେଙ୍କାନାଳ ଜିଲ୍ଲା ଶିକ୍ଷା ଅଧିକାରୀଙ୍କୁ ତଦନ୍ତ ନିର୍ଦ୍ଦେଶ ଦେଇଥିଲେ ।
ତଦନ୍ତ ପରେ ଜଣାପଡିଛି ଯେ, ସ୍କୁଲ ସବୁ ନିୟମ ଭାଙ୍ଗି ଅଭିଭାବକମାନଙ୍କୁ ବେସରକାରୀ ବହି ବିକିଛି, 13% ସ୍କୁଲ ଫି 2021-22 ବର୍ଷ ଫି ଉପରେ ବଢ଼େଇଛି । 7100 ଟଙ୍କା ରିଆଡ଼ମିସନ ନାମରେ ଅର୍ଥ ଆଦାୟ କରିଛି । ତେବେ ଏକ ବୈଠକରେ ଆଲୋଚନା ହୋଇଛି ଯେ, ସ୍କୁଲକୁ ସଂପୂର୍ଣ୍ଣ ଭାବରେ ସରକାରଙ୍କ ନିୟମକୁ ମାନିବାକୁ ପଡିବ। ଯଥାଶୀଘ୍ର ଏହାକୁ ମାନି ଏକ ରିପୋର୍ଟ ଦେବାପାଇଁ ସ୍କୁଲକୁ ନିର୍ଦ୍ଦେଶ ଦେଇଛନ୍ତି ମାଧ୍ୟମିକ ଶିକ୍ଷା ନିର୍ଦ୍ଦେଶକ । ଯଦି ସରକାରଙ୍କ ନିୟମକୁ ମାନିଲେ କି ନାହିଁ ଏକ ରିପୋର୍ଟ ଜିଲ୍ଲା ଶିକ୍ଷା ଅଧିକାରୀ ତୁରନ୍ତ ପ୍ରଦାନ କରିବାକୁ ମଧ୍ୟ ନିର୍ଦେଶ ଦେଇଛନ୍ତି ।