ଭୁବନେଶ୍ୱର: ଦୁର୍ଗାପୂଜା ପାଇଁ ଆକ୍ସନ ମୋଡରେ କମିଶନରେଟ ପୋଲିସ । ଅପରାଧୀଙ୍କୁ ସାବାଡ଼ କରିବାକୁ ଚାଲିଛି ଜୋରଦାର ଚଢାଉ । ପୋଲିସ ୨୧୯ ଜଣ ଦାଗୀଙ୍କ ଲିଷ୍ଟ୍ ପ୍ରସ୍ତୁତ କରିଥିବାବେଳେ ସେମାନଙ୍କ ଗିରଫଦାରୀ ପାଇଁ ବିଭିନ୍ନ ସ୍ଥାନରେ ଚଢାଉ କରାଯାଉଛି । ରାଜଧାନୀର ବିଭିନ୍ନ ଥାନା ଅଞ୍ଚଳରୁ ଜଣ ଜଣ କରି ଅପରାଧୀଙ୍କୁ ଉଠାଇ ନେଉଛି ପୋଲିସ । ଅନେକ ଅଞ୍ଚଳରେ ଗିରଫଦାରୀ ଜାରି ରହିଥିବା ବେଳେ ପିଓପିଡି ଟିମର ଅଫିସର ରାତି ଅନିଦ୍ରା ହୋଇ ଅଣ୍ଡରକଭର ଅପରେସନ କରୁଥିବା ଦେଖିବାକୁ ମିଳୁଛି ।
ପୂଜା ସମୟରେ ଛିନତାଇ, ଚୋରି ଲୁଟ୍ ତଥା ଡକାୟତି ଭଳି ଅପରାଧ ବଢିଥାଏ । ଅପରାଧ ରୋକିବାକୁ ପୋଲିସ କେତେକ ଅପରାଧୀଙ୍କର ଲିଷ୍ଟ ପ୍ରସ୍ତୁତ କରିଛି । ଏନେଇ ଭୁବନେଶ୍ୱର ଡିସିପି ଅଫିସରୁ ସମସ୍ତ ଥାନାକୁ ଏହି ଲିଷ୍ଟ ଜାରି କରାଯାଇଛି । ଯେଉଁଥିରେ ବାଲିଅନ୍ତା ଥାନା ଅଞ୍ଚଳରେ ସବୁଠୁ ଅଧିକ ଦାଗୀ ଥିବା ଜଣାପଡିଛି । ଏହାପରେ ରହିଛି ଭରତପୁର ଓ ତୃତୀୟରେ ରହିଛି ବାଲିପାଟଣା ଅଞ୍ଚଳ । ସେମାନଙ୍କ ମଧ୍ୟରୁ ୩୦ଜଣଙ୍କୁ ତୁରନ୍ତ ଜେଲ ପଠାଇବାକୁ ତାଲିକାରେ ଉଲ୍ଲେଖ ହୋଇଛି । ତେବେ କମ ଦାଗୀଙ୍କ ତାଲିକାରେ ରହିଛି ଏୟାରଫିଲ୍ଡ ଥାନା ଅଞ୍ଚଳ । ଯେଉଁଥିରୁ ୨ ଜଣ ଦାଗୀଙ୍କ ତାଲିକା ପ୍ରସ୍ତୁତ କରାଯାଇ ଥାନାକୁ ପଠାଯାଇଛି ।
ଯେଉଁ ଦାଗୀ ମାନେ ତାଲିକାରେ ଅଛନ୍ତି ସେମାନେ ସଠିକ ସମୟରେ ହାଜିର ପକାଉଛନ୍ତି କି ନାହିଁ ପୋଲିସ ସେମାନଙ୍କର ଗତିବିଧି ଉପରେ ନଜର ରଖୁଛି କି ନାହିଁ ସେନେଇ ତଦାରଖ କରାଯାଉଛି । ସିଆରପିସି ୧୪୯ରେ ସେମାନଙ୍କୁ ଆଗୁଆ ଗିରଫଦାରୀ ପାଇଁ ନିର୍ଦ୍ଦେଶ ରହିଛି । ସେହିପରି ୧୧୦ରେ bond down ବା Brech of bond ଭାଓଲେସନ କରିଥିବା କ୍ରିମିନାଲଙ୍କୁ ଅନ୍ୟ କୌଣସି ଥାନାରେ କେସ ଥିଲେ ରିମାଣ୍ଡ ଟ୍ୟାଗ୍ କରାଇ ଜେଲ ପଠାଯାଉଛି । ଫଳରେ ପ୍ରତ୍ୟକ ଥାନା ଅଞ୍ଚଳରୁ ୪ରୁ ୫ଲେଖାଏଁ ଅପରାଧୀ ପ୍ରତିଦିନ କୋର୍ଟ ଚାଲାଣ ହେଉଛନ୍ତି।
ଏହାରି ଭିତରେ ଦିନକ ଭିତରେ କ୍ୟାପିଟାଲ ଥାନାରେ ୮ଟି Non Bailable Warrent (NBW)ରେ ଅପରାଧୀଙ୍କୁ ଜେଲ ପଠାଯାଇଛି । ଚୋରୀ ଓ ଡକାୟତି ମାମଲାର ସମ୍ପୃକ୍ତ ଥିବା 2 ଅପରାଧି ଶ୍ରୀକାନ୍ତ ନାୟକ ଓ ତାର ଉତ୍ତମ ନାୟକଙ୍କ ନାଁରେ NBW ରହିଥିବାବେଳେ ତାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସେହିପରି ଆର୍ମସ ଆକ୍ଟରେ ଫେରାର ଥିବା ଦୁର୍ଦ୍ଦାନ୍ତ ଅପରାଧି ସୁରେଶ ନାୟକ ଓରଫ (ପପୁ)କୁ NBW ଆଧାରରେ କୋର୍ଟକୁ ପଠାଯାଇଛି । ସେହିପରି ଜିଇଡି ବସ୍ତିର ସୁଶାନ୍ତ ନାୟକ ଓରଫ କାଳୁକୁ ହତ୍ୟା କରି ଫେରାର ଥିବା ଦୁର୍ଦ୍ଦାନ୍ତ ଅପରାଧୀ ଅଜିତ ନାୟକ ଓ ସୁଜିତ ନାୟକ ଦୁହିଁଙ୍କୁ ମଧ୍ୟ NBW ଆଧାରରେ କୋର୍ଟକୁ ପଠାଇଛି ପୋଲିସ।