ଖୋର୍ଦ୍ଧା:ଏବେବି ଚାଲିଛି ପିସି କାରବାର । ବ୍ଲକଠାରୁ ଆରମ୍ଭ କରି ପଞ୍ଚାୟତସ୍ତର ପର୍ଯ୍ୟନ୍ତ ସମସ୍ତେ ପିସି ନେବାରେ ବ୍ୟସ୍ତ । ବ୍ଲକରେ ବିଡିଓ, ଜେଇଙ୍କ ଠାରୁ ଆରମ୍ଭ କରି ପଞ୍ଚାୟତର ସରପଞ୍ଚ ଓ ଭିଏଲଡବ୍ଲ୍ୟୁଙ୍କ ଯାଏ କାମ ପାଇଁ ଆସିଥିବା ଟଙ୍କାର ପ୍ରତିଶତ କାଟି ନେଉଛନ୍ତି । ଏପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ସରପଞ୍ଚଙ୍କ ଠାରୁ ବିଡିଓ ଯାଏ ପିସି ମାୟାରେ ବାୟା
ଖୋର୍ଦ୍ଧା ଜିଲ୍ଲା ଟାଙ୍ଗି ପଞ୍ଚାୟତର ପଞ୍ଚାୟତ ନିର୍ବାହୀ ଅଧିକାରୀ ଖୁଲମଖୁଲା ପିସି ମାଗିବା ସହ କିଏ କେତେ ପ୍ରତିଶତ ପିସି ନେଉଛନ୍ତି ତାର ମଧ୍ୟ ହିସାବ ଦେଉଥିବାର ଏହି ଭିଡିଓରେ ଦେଖିବାକୁ ମିଳିଛି । ବିଡିଓ 2 ପ୍ରତିଶତ, ଜେଇ 4 ପ୍ରତିଶତ, ସେହିପରି ବ୍ଲକର ଅନ୍ୟ କର୍ମଚାରୀ ମିଶି ସମୁଦାୟ 11 ପ୍ରତିଶତ ପିସି ବ୍ଲକ ନେଉଥିବାବେଳେ ପଞ୍ଚାୟତରେ 5 ପ୍ରତିଶତ ପିସି ନିଆଯାଉଛି ବୋଲି ସେ କହିଛନ୍ତି ।