ପାଟପୁର ଗ୍ରାମରେ ଜବାନ କୋରୋନା ପଜିଟିଭ, ସଟଡାଉନ ଘୋଷଣା କଲେ ସରପଞ୍ଚ

ଖୋର୍ଦ୍ଧାରେ ଧିରେ ଧିରେ ବଢିବାରେ ଲାଗିଛି କୋରୋନା କାୟା । ଶନିବାର ସ୍ଥାନୀୟ ନାଲିପଡା ଅର୍ଜୁନପୁର ଗ୍ରାମ ପଞ୍ଚାୟତରେ ଥିବା ଆଇଆରବି କ୍ୟାମ୍ପରୁ ଜଣେ ଜବାନ କୋରୋନା ପଜିଟିଭ ଥିବା ଜଣା ପଡିଥିଲା । ଏନେଇ ଖବର ପାଇବା ପରେ ସ୍ଥାନୀୟ ସରପଞ୍ଚ ପଞ୍ଚାୟତ ଅଧିନସ୍ଥ ପାଟପୁର ଗ୍ରାମରେ ସଟଡାଉନ ଘୋଷଣା କରିଛନ୍ତି ।

ଖୋର୍ଦ୍ଧା: ଖୋର୍ଦ୍ଧାରେ ଧିରେ ଧିରେ ବଢିବାରେ ଲାଗିଛି କୋରୋନା କାୟା । ସାମାନ୍ୟ ଅସାବଧାନତା ଯୋଗୁଁ ଆଖି ପିଛୁଳାକେ ବ୍ୟାପିବାରେ ଲାଗିଛି ସଂକ୍ରମଣ । ଏହି କ୍ରମରେ ଶନିବାର ସ୍ଥାନୀୟ ନାଲିପଡା ଅର୍ଜୁନପୁର ଗ୍ରାମ ପଞ୍ଚାୟତରେ ଥିବା ଆଇଆରବି କ୍ୟାମ୍ପରୁ ଜଣେ ଜବାନ କୋରୋନା ପଜିଟିଭ ଥିବା ଜଣା ପଡିଥିଲା । ଏନେଇ ଖବର ପାଇବା ପରେ ସ୍ଥାନୀୟ ସରପଞ୍ଚ ପଞ୍ଚାୟତ ଅଧିନସ୍ଥ ପାଟପୁର ଗ୍ରାମରେ ସଟଡାଉନ ଘୋଷଣା କରିଛନ୍ତି ।

ରାଜ୍ୟ ସରକାରଙ୍କ ଦ୍ବାରା ବର୍ତ୍ତମାନ ସରପଞ୍ଚମାନଙ୍କୁ ଜିଲ୍ଲାପାଳ କ୍ଷମତା ଦିଆଯାଇଥିବା ବେଳେ ନିଜ କ୍ଷମତାର ବ୍ୟବହାର କରି ସ୍ଥାନୀୟ ସରପଞ୍ଚ ଆସନ୍ତା 72 ଘଣ୍ଟା ପାଇଁ ପାଟପୁର ଗ୍ରାମରେ ସଟଡାଉନ ଘୋଷଣା କରିଥିବା ଜଣା ପଡିଛି । ଏହି ସମୟ ମଧ୍ୟରେ ସଂକ୍ରମଣକୁ ଏଡାଇବା ପାଇଁ ଗାଁରେ ଥିବା ସମସ୍ତ ବ୍ୟବସାୟିକ ପ୍ରତିଷ୍ଠାନକୁ ବନ୍ଦ ରଖିବା ପାଇଁ ନିର୍ଦ୍ଦେଶ ଦେଇଛନ୍ତି ସରପଞ୍ଚ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ