ଖୋର୍ଦ୍ଧା: ୧୬ ନଂ ଜାତୀୟ ରାଜପଥ ଟାଙ୍ଗୀ ବାଇପାସ ନିକଟରେ ହାଇୱା ଧକ୍କାରେ ଅକ୍ସିଜେନ ବୋଝେଇ ଟ୍ୟାଙ୍କର ଦୁର୍ଘଟଣାଗ୍ରସ୍ତ । ଦୁର୍ଘଟଣା ଘଟାଇ ହାଇୱା ଫେରାର । ଅନୁଗୋଳ ଜିନ୍ଦଲ ଷ୍ଟିଲ ପ୍ଲାଣ୍ଟରୁ ଆନ୍ଧ୍ରପ୍ରଦେଶ ଯାଉଥିଲା ଅକ୍ସିଜେନ ଟ୍ୟାଙ୍କର । ଅକ୍ସିଜେନ ବୋଝେଇ ଟ୍ୟାଙ୍କର ଚାଳକ ସୁରକ୍ଷିତ ଥିବା ବେଳେ ଗାଡିର ସମ୍ମୁଖ ଭାଗ କ୍ଷତିଗ୍ରସ୍ତ ହୋଇଛି ।
ଘଟଣାଟି ଟାଙ୍ଗୀ ବାଇପାସ୍ ନିକଟରେ ଘଟିଥିବା ବେଳେ ପୋଲିସର ଉଦ୍ଧାର କାର୍ଯ୍ୟ ଜାରି ରହିଛି । ରାସ୍ତା ପ୍ରଶସ୍ତ କାର୍ଯ୍ୟ ଚାଲୁଥିବାରୁ ରାସ୍ତାର ଗୋଟିଏ ପାର୍ଶ୍ୱରେ ଗାଡି ଚଳାଚଳ କରୁଥିଲା । ଅକ୍ସିଜେନ ଟ୍ୟାଙ୍କର ରାସ୍ତା ଅତିକ୍ରମ କରୁଥିବା ବେଳେ ହଠାତ୍ ଏକ ହାଇୱା ସମ୍ମୁଖ ଭାଗରୁ ଟ୍ୟାଙ୍କରକୁ ଧକ୍କା ଦେଇଥିଲା । ଘଟଣା ସ୍ଥଳରେ ଟାଙ୍ଗୀ ପୋଲିସ୍ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ