ଖୋର୍ଦ୍ଧା: ଜିଲ୍ଲାର ଟାଙ୍ଗି ରେଞ୍ଜ ଅଞ୍ଚଳରେ ଲାଗି ରହିଛି ହାତୀ ଉପଦ୍ରବ । ଧାନ ବିଲ ଜଗି ରହିଥିବା ବେଳେ ହାତୀ ଆକ୍ରମଣର ଶିକାର ହୋଇ ଜଣେ ଯୁବକ ଗୁରୁତର । ଯୁବକ ଜଣକ ହେଲେ ଚନ୍ଦନ ପୁର ଗ୍ରାମର ଦିଲ୍ଲୀପ କୁମାର ବେହେରା ।
ସୂଚନାଅନୁସାରେ, କିଛି ଦିନ ହେବ ଟାଙ୍ଗୀ ଅଞ୍ଚଳରେ ହାତୀ ଆତଙ୍କ ଖେଳାଇବାରେ ଲାଗିଛି । ଅନେକ ଚାଷୀଙ୍କ ଫସଲ ଉଜାଡୁଛନ୍ତି ହାତୀ । ଚନ୍ଦନପୁର ଗାଁର ଦିଲ୍ଲୀପ ତାଙ୍କ ଧାନ ଫସଲକୁ ହାତୀ କବଳରୁ ରକ୍ଷା କରିବା ପାଇଁ ନିଜ ବିଲରେ ଜଗିଥିଲେ । ସେହି ସମୟରେ ସେ ହାତୀ ହାବୁଡରେ ପଡିଥିଲେ । ହାତୀ ଦିଲ୍ଲୀପଙ୍କୁ ଦଳି ଦେଇଥିଲା । ଫଳରେ ସେ ଗୁରୁତର ଭାବରେ ଆହତ ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ଖୋର୍ଦ୍ଧା ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି।
ହାତୀ ଆକ୍ରମଣରେ ଯୁବକ ଗୁରୁତର